Gujarati News

Gujarati News

News of Tuesday, 4th May 2021

આ હાઉસફુલનું બોર્ડ કોઈ સિનેમાઘરની બહાર નથી લાગ્યું પરંતુ બેંગ્લોરના સ્મશાનની બહાર લાગ્યુ છે

કોરોના વાયરસની બીજી લહેર સામે સમગ્ર દેશ લાચાર છે. રોજ લાખો કેસ સામે આવી રહ્યા છે અને હજારો લોકોના મોત થઈ રહ્યા છે. કોરોના વાયરસના વધતા આ કેસના કારણે હોસ્પીટલો, શબઘરો અને સ્મશાન પર ભારે બોજો આવી પડયો છે. હોસ્પીટલોમાં બેડ નથી, શબઘર અને સ્મશાનોમાં મૃતદેહ રાખવાની જગ્યા નથી. કોરોનાના કારણે થયેલા મોતથી લાશોના ઢગલા થઈ ગયા છે. અનેક સ્મશાન ઘાટો પર અંતિમ સંસ્કાર માટે લાઈનો લાગી છે. કર્ણાટકના ચામરાજપેટના એક સ્મશાનની બહાર હાઉસફુલનુ એક સાઈનબોર્ડ જોવા મળી રહ્યુ છે. અહીં એક સાથે ૨૦ મૃતદેહોના અંતિમ સંસ્કાર થઈ રહ્યા છે. હવે ત્યાં વધુ વ્યવસ્થા ન હોવાથી કોઈ મૃતદેહ નહિ લાવવા જણાવાયુ છે.

(11:18 am IST)
  • પુડુચેરીમાં ડખ્ખા શરૂ :૬ સભ્યો જ હોવા છતાં ભાજપ મુ.મંત્રી પદ માગે છે : પ્રથમ દિવસે જ પુડુચેરીમાં ભાજપ અને સ્થાનિક પક્ષો વચ્ચે ડખ્ખો શરૃઃ પુડુચેરીમાં સ્થાનિક પક્ષો સાથે જોડાણ કરી ભાજપ સત્તા પર આવી રહ્યો છે ત્યારે સત્તાની વહેંચણી બાબતે પ્રથમ ગ્રાસે મક્ષિકા જેવું થયું છે. ભાજપે માત્ર ૬ ધારાસભ્યો સાથે મુખ્યમંત્રીપદ માગતા ભાજપના મોરચામાં મતભેદો સર્જાયા છે. (ન્યુઝ ફર્સ્ટ) access_time 3:19 pm IST

  • કોરોનાઍ વધુ મેચનો ભોગ લીધો : બુધવારે ચેન્નાઈ સુપર કિંગ્સ અને રાજસ્થાન રોયલ્સ વચ્ચે રમાનાર આઈપીઍલ મેચ નવી તારીખે રમાશેઃ બુધવારે બંધ રહેશે તેમ બીસીસીઆઈના સૂત્રોને તાકીને ન્યુઝ ઍજન્સીઍ જણાવ્યુ છે access_time 11:23 am IST

  • મુંબઈમાં ડ્રાઈવ - થ્રુ વેકસીનેશન શરૃઃ સીનીયર સીટીઝનો માટે સુવિધા : દેશભરમાં સંભવતઃ પ્રથમ પ્રયોગ : ઉદ્ધવ સરકારે સીનીયર સીટીઝનો માટે ખાસ સુવિધા શરૂ કરી છે. સીનીયર સીટીઝને પોતાના વાહનમાં જ દાદર (પેસ્ટ) ખાતે ખાસ સુવિધા ઉભી કરી છે ત્યાં જવાનું મોટરની નીચે પણ નહિં ઉતરવાનું બીએમસી દ્વારા વાહનમાં જ કોરોના વેકસીન આપવામાં આવે છે. રોજના ૫૦૦૦ વેકસીનેશનની સુવિધા છે. દેશભરમાં ડ્રાઈવ - ઈન વેકસીનેશન સેવા સંભવતઃ પ્રથમ વખત મહારાષ્ટ્રમાં શરૂ થઈ છે. access_time 12:49 pm IST