Gujarati News

Gujarati News

News of Tuesday, 4th May 2021

તમારી સામે કોર્ટના તિરસ્કારની કાર્યવાહી શા માટે ન કરવી ? : રાજધાની દિલ્હીમાં ઓક્સિજન સપ્લાય અંગે એસસી, હાઈકોર્ટના આદેશોનું પાલન કેમ ન કર્યું ? : દિલ્હી હાઇકોર્ટે કેન્દ્ર સરકારનો ખુલાસો માંગ્યો

ન્યુદિલ્હી : દિલ્હી હાઈકોર્ટે આજે કેન્દ્ર સરકારને કારણ બતાવવા નિર્દેશ આપ્યો છે કે રાષ્ટ્રીય પાટનગરમાં ઓક્સિજનની સપ્લાયના સંદર્ભમાં પસાર થયેલા આદેશોનું પાલન ન કરવા બદલ તમારી સામે અદાલતી તિરસ્કાર કેમ ન કરવો ?

"અમે કેન્દ્ર સરકારને કારણ બતાવવા નિર્દેશ આપીએ છીએ કે 1 મેના અમારા આદેશ અને સુપ્રીમ કોર્ટના આદેશનું પાલન ન કરવા માટે તમારી સામે અદાલતના તિરસ્કારની કાર્યવાહી શા માટે ન કરવી જોઈએ .."જસ્ટિસ વિપિન સંઘી અને જસ્ટિસ રેખા પલ્લીની બેંચે તેવો આદેશ  આપ્યો છે.

નામદાર કોર્ટે  સુનાવણીની આગામી તારીખે કેન્દ્ર સરકારના અધિકારીઓ, પિયુષ ગોયલ અને સુમિતા દાવરાને હાજર રહેવા  નિર્દેશ આપ્યો છે.

કોર્ટે નોંધ્યું હતું કે તે હકીકત છે કે આજ સુધી રાજધાની દિલ્હીમાં ઓક્સિજન પૂરા પાડવામાં આવ્યું ન હતું . સુપ્રીમ કોર્ટના 700 મેટ્રિક સપ્લાય પરના આદેશ અથવા 490 એમટી સપ્લાય પરના તેના આદેશનો અમલ થયો નથી.

કોર્ટે કેન્દ્રના વલણને નકારી કાઢ્યું  હતું કે દિલ્હીની 700 મેટ્રિક ટનની માંગ સ્વીકારી શકાતી નથી તે બચાવ પાયાહીન છે.કોર્ટે એવો પણ અભિપ્રાય આપ્યો હતો કે સોલિસીટર જનરલ તુષાર મહેતા દ્વારા સુપ્રીમ કોર્ટને અપાયેલી ખાતરીની પુષ્ટિ કરવામાં આવી નથી કે દિલ્હીની માંગણીઓનું ધ્યાન રાખવામાં આવશે.તેવું બી.એન્ડ બી.દ્વારા જાણવા મળે છે.

(7:15 pm IST)
  • મુખ્યમંત્રીના અગ્ર મુખ્યસચિવ કે.કૈલાસનાથનને કોરોના : ગુજરાતના પીઢ આઈઍઍસ અધિકારી અને મુખ્યમંત્રીશ્રીના અગ્રસચિવ કે.કૈલાસનાથન કોરોના સંક્રમિત થયા છે : હાલ હોમ આઈસોલેશનમાં સારવાર ચાલી રહી હોવાનું જાણવા મળે છે access_time 2:21 pm IST

  • મુંબઈમાં ડ્રાઈવ - થ્રુ વેકસીનેશન શરૃઃ સીનીયર સીટીઝનો માટે સુવિધા : દેશભરમાં સંભવતઃ પ્રથમ પ્રયોગ : ઉદ્ધવ સરકારે સીનીયર સીટીઝનો માટે ખાસ સુવિધા શરૂ કરી છે. સીનીયર સીટીઝને પોતાના વાહનમાં જ દાદર (પેસ્ટ) ખાતે ખાસ સુવિધા ઉભી કરી છે ત્યાં જવાનું મોટરની નીચે પણ નહિં ઉતરવાનું બીએમસી દ્વારા વાહનમાં જ કોરોના વેકસીન આપવામાં આવે છે. રોજના ૫૦૦૦ વેકસીનેશનની સુવિધા છે. દેશભરમાં ડ્રાઈવ - ઈન વેકસીનેશન સેવા સંભવતઃ પ્રથમ વખત મહારાષ્ટ્રમાં શરૂ થઈ છે. access_time 12:49 pm IST

  • આઈપીએલના બાકીના મેચો મુંબઈમાં જ રમાશે? : સપ્તાહના અંતિમ આઈપીએલના બાકી રહી ગયેલા મેચો હવે મુંબઈ ખાતે જ રમાડવામાં આવે તેવી શકયતા કોરોનાની મહામારીના પગલે આ નિર્ણય લેવાય તેવી વિચારણા ચાલી રહી હોવાનું જાણવા મળે છે. access_time 10:39 am IST