Gujarati News

હરદોઈ,તા. ૪ : ઉત્તર પ્રદેશમાં એક મહિલાએ વિચિત્ર બાળકીને જન્‍મ આપ્‍યો છે. આ મામલો ઉત્તર પ્રદેશના હરદોઈ જિલ્લાનો છે. શાહબાદના હરદોઈના કોમ્‍યુનિટી હેલ્‍થ સેન્‍ટરમાં એક મહિલાએ ચાર પગ અને ચાર હાથવાળી બાળકીને જન્‍મ આપ્‍યો છે. એવું કહેવાય છે કે મહિલાને લેબર પેઇનને કારણે સામુદાયિક આરોગ્‍ય કેન્‍દ્રમાં દાખલ કરવામાં આવી હતી, ત્‍યારબાદ આરોગ્‍ય કર્મચારીઓ દ્વારા તેની સારવાર શરૂ કરવામાં આવી હતી. આ દરમિયાન મહિલાએ એક અનોખી બાળકીને જન્‍મ આપ્‍યો જેના ચાર પગ અને ચાર હાથ હતા, બાળકીને જોઈને ડોક્‍ટરો પણ આﾍર્યચકિત થઈ ગયા. તો, જેણે પણ આ સમાચાર સાંભળ્‍યા તે આ અદ્‌ભૂત બાળકને જોવા માટે હોસ્‍પિટલ દોડી ગયો. માતા અને બાળક બંને સ્‍વસ્‍થ છે.

મળતી માહિતી મુજબ, મહિલા શાહબાદ કોતવાલી વિસ્‍તારના મંગલીપુર ગામની રહેવાસી છે. તમને જણાવી દઈએ કે, હરદોઈના શાહબાદ વિસ્‍તારની આ મહિલાએ એક અનોખી છોકરીને જન્‍મ આપ્‍યો છે, જેને ચાર પગ અને ચાર હાથ છે. હવે આને કુદરતનો કરિશ્‍મા ન કહેવાય તો શું કહેવું, બીજી તરફ સ્‍ટાફ નર્સની જેમ આરોગ્‍યકર્મીઓએ પણ આ અનોખી યુવતીને સુરક્ષિત રીતે દુનિયામાં લાવવામાં કોઈ કસર છોડી નથી, તો તેમની મહેનત રંગ લાવી અને આ અનોખી છોકરીનો જન્‍મ થયો. મહિલાની સાથે બાળકી પણ સ્‍વસ્‍થ છે.

ગ્રામજનો તેને કુદરતનો કરિશ્‍મા કહી રહ્યા છે. પિતાએ જણાવ્‍યું કે, તેમની પત્‍નીના અલ્‍ટ્રાસાઉન્‍ડ રિપોર્ટમાં બાળક સંપૂર્ણ સ્‍વસ્‍થ હોવાનું જણાવાયું હતું. આ પછી તે બાળકના જન્‍મની રાહ જોઈ રહ્યા હતા, પરંતુ જયારે બાળકનો જન્‍મ થયો ત્‍યારે તે જોઈને દંગ રહી ગયો. તો, બાળરોગ ચિકિત્‍સકોએ જણાવ્‍યું હતું કે જૈવિક વિકૃતિના કારણે આવા બાળકોનો જન્‍મ થાય છે.