Gujarati News

આગ્રા, તા.૪: તાજનગરી આગ્રામાં ફેમિલી કાઉન્સેલિંગ સેન્ટરમાં અધિકારીઓની સામે એક અનોખો કિસ્સો સામે આવ્યો છે. અહીં શહેરના એક યુવકે તેની પ્રેમિકાને પોતાની સાસુ બનાવી અને તેની પુત્રી સાથે લગ્ન કરી લીધા. ગર્લફ્રેન્ડને આ વાતની જાણ થતાં તેણે ફેમિલી કાઉન્સેલિંગ સેન્ટરમાં ફરિયાદ કરી હતી. લગ્ન કર્યા બાદ યુવકે પ્રેમિકાની પુત્રીને તેના ઘરે પરત મોકલી દીધી હતી અને હાલ તે ફરાર છે.

આ મામલો આગ્રાના યમુના કિનારા વિસ્તારના એક પ્રતિષ્ઠિત પરિવારનો છે. પ્રાપ્ત માહિતી અનુસાર, યુવક પહેલેથી જ પરિણીત હતો. તેણે તેની પત્નીને છોડી દીધી હતી, જેના માટે તે તેની પત્ની સાથે પણ ટ્રાયલનો સામનો કરી રહ્યો છે. દરમિયાન યુવકે જયપુર હાઉસમાં રહેતી મહિલા સાથે પ્રેમ સંબંધ બાંધ્યો હતો. આ મહિલા પણ પરિણીત હતી. તેમને એક પુત્રી પણ છે.

મહિલાએ યુવક પર તેની સાથે છેતરપિંડીનો આરોપ લગાવ્યો છે. મહિલાનો આરોપ છે કે યુવકે તેની પુત્રીને ફસાવીને લગ્ન કરી લીધા હતા. મહિલા પોતાની ફરિયાદ લઈને ફેમિલી કાઉન્સેલિંગ સેન્ટર પહોંચી અને અધિકારીઓને ન્યાય માટે અપીલ કરી.