Gujarati News

Gujarati News

News of Friday, 4th September 2020

ઓકટોબર નવેમ્બર સુધીમાં અમેરિકા તૈયાર કરશે બે રસી

આરોગ્ય સંસ્થાઓને મોકલાયા નામ

વોશીંગ્ટન,તા.૪ : કોરોના મહામારી સામે લડવાનું હવે ફકત રસી થી જ શકય છે. જેના માટે દુનિયા ભરના વૈજ્ઞાનિકો કામ કરી રહ્યા છે. અમેરિકન સંસ્થા  સીડીસીએ જાહેર આરોગ્ય સાથે સંકળાયેલી એજન્સીઓને જણાવ્યું છે કે તે ઓકટોબર અથવા નવેમ્બર સુધીમાં બે રસીઓ તૈયાર કરી શકે છે.

ગયા અઠવાડીયે સીડીસી દ્વારા જાહેર આરોગ્ય સાથે સંકળાયેલી સંસ્થાઓને મોકલાયેલા દસ્તાવેજોમાં રસીને એ અને બી નામ અપાયા છે. તેમાં રસી સાથે સંકળાયેલી જરૂરી મહત્વપૂર્ણ માહિતી સામેલ છે. જેમકે રસીની શોધનો સમય, તેને કયા ઉષ્ણતામાન પર રાખવાની છે આ માપદંડો મોર્ડના અને ફાઇઝર કંપની દ્વારા તૈયાર રસીના માપદંડો સાથે મળતા આવે છે.

રસી અલગ અલગ પ્રકારની હોય છે. પણ સામાન્ય રીતે તે નિષ્ક્રીય વાયરસ, નબળા જીવતા વાયરસ અથવા તેના પ્રોટીનના નાના નાના ટુકડાઓની મદદથી તૈયાર કરવામાં આવે છે. મોડર્ના અને ફાઇઝર આનાથી અલગ પધ્ધતિ જેનેટીક મોલેકયુલ જેને આરએનએ મેસેન્જર કહેવાય છે તેની ટેકનીક પર કામ કરી રહી છે. આ પ્રકારની રસી અત્યાર સુધી માનવો પર પ્રયોગ પરવાનગી નથી મળી

જેનેટીક મોલેકયુલ સીધું માંસ પેશીઓમાં લગાવવામાં આવે છે જેને કોરોના પ્રોટીન જેવું પ્રોટીન તૈયાર કરશે. જો તેમાં સફળતા મળશે તો શરીરમાં બનેલ પ્રોટીન ઇમ્યુન સીસ્ટમને સક્રિય કરી દેશે જેનાથી લાંબા સમય સુધી વાયરસથી બચાવ શકય બનશે.

(11:10 am IST)
  • દેશમાં કોરોનાએ સ્પીડ પકડી : રિકવરી રેઈટ પણ વધ્યો : દેશમાં છેલ્લા 24 કલાકમાં નવા રેકોર્ડબ્રેક 84,156 પોઝીટીવ કેસ નોંધાયા :કુલ કેસની સંખ્યા 39,33,124 થઇ :8,31,039 એક્ટીવ કેસ : વધુ 65,520 દર્દીઓ સ્વસ્થ થતા કુલ 30,32,916 રિકવર થયા : વધુ 1083 લોકોના મોત સાથે મૃત્યઆંક 68,569 થયો access_time 12:28 am IST

  • વિદેશી ટગ બોટ ઉપર ભારત સરકારનો બાન હવે માત્ર મેઇડ ઇન ઇન્ડિયા ટગ-બોટને જ મંજૂરી મળશેઃ કેન્દ્રિય મંત્રી મનસુખભાઇ માંડવિયાએ જાહેર કર્યું કે બંદરો ઉપર માત્ર સ્વદેશી ટગ બોટનોજ ઉપયોગ કરાશે access_time 5:23 pm IST

  • ચીને ભારતને ભૂલો સુધારવા કહ્યું! : ટાગોર અને યોગ ચીનમાં ખૂબ પ્રસિધ્ધ છે પણ તેની ચીનથી કોઈ જ ખતરો નથી : ભારતમાં ૧૧૮ ચાઈનીઝ એપ ઉપર બાન મૂકયા પછી ચીની વિદેશ મંત્રાલયે કહ્યું છે કે સુપ્રસિધ્ધ ભારતીય સાહિત્યકાર રવિન્દ્રનાથ ટાગોરની કવિતાઓ અને 'યોગ' ચીનમાં ખૂબ પ્રખ્યાત છે પરંતુ તેમને ચીન તરફથી કોઈ ખતરો નથીઃ પરંતુ ભારતે કરેલી કાર્યવાહી ચીની રોકાણકારો અને સર્વીસ પ્રોવાઈડરોના કાનૂની હિતોનું ઉલ્લંઘન કરે છેઃ ચીને ભારતને ભૂલો સુધારી લેવા પણ કહ્યું છે access_time 12:49 pm IST