Gujarati News

Gujarati News

News of Friday, 4th December 2020

બ્રહ્મપુત્ર નદી પર દેશનો સૌથી લાંબો 19.કી,મી,નો પુલ બનાવશે ભારત : વિયેતનામ-ભૂતાનને જોડશે

બ્રહ્મપુત્ર નદી પર ડેમ બાંધવાનો ચીનના પ્રોજેક્ટના જવાબરૂપે ભારત લાંબો બ્રિજ બાંધશે

નવી દિલ્હી: કેન્દ્ર સરકારે બ્રહ્મપુત્ર નદી પર સૌથી લાંબો પુલ બાંધવાના પ્રોજેક્ટને મંજૂરી આપી દીધી હતી. દેશનો સૌથી લાંબો ૧૯ કિ.મીનો બ્રિજ ભૂતાન-વિએટનામને ભારત સાથે જોડશે. બ્રહ્મપુત્ર નદી પર ડેમ બાંધવાનો પ્રોજેક્ટ ચીને હાથ ધર્યો છે. ભારત અને બાંગ્લાદેશ સુધી પહોંચતું પાણી અટકાવી દેવાનું ચીને ષડયંત્ર રચ્યું છે, તેના જવાબરૂપે ભારત પણ બ્રહ્મપુત્ર નદી પર સૌથી લાંબો બ્રિજ બાંધશે.

મીડિયા અહેવાલ પ્રમાણે આ બ્રિજ ૧૯ કિ.મી જેટલો લાંબો હશે અને તે ભૂતાન-વિએટનામને પૂર્વોત્તર સાથે જોડશે. ટ્રાન્સ-એશિયાઈ કોરિડોરના સંદર્ભમાં આ બ્રિજ પાડોશી દેશો વચ્ચે સૌથી મોટું જોડાણ કરશે. સૂત્રોને ટાંકીને રજૂ થયેલા અહેવાલો પ્રમાણે આ વિશાળ પરિયોજના માટે જાપાનની ટેકનિકલ મદદ મળશે. ચીનની વિસ્તારવાદી નીતિ સામે લડત આપવા માટે જાપાન-ભારત આ પ્રોજેક્ટના સંદર્ભમાં વ્યૂહાત્મક રીતે મ્યાંમાર, થાઈલેન્ડ, કંબોડિયા અને લાઓસને જોડશે.

આ બ્રિજના કારણે આસામના ધુબરીથી મેઘાલયની ફુલબારી જોડાઈ જશે. તેના કારણે રસ્તો ખૂબ જ ટૂંકો જઈ જશે. એટલું જ નહીં, ત્રિપુરા સુધી જવાનું સરળ બનશે. ચીને બ્રહ્મપુત્ર નદીમાં અરૃણાચલ પ્રદેશની નજીક વિશાળ ડેમ બાંધવાનો પ્રોજેક્ટ શરૃ કર્યો છે. ચીન ૬૦ ગીગાવોટ્સ વીજળી ઉત્પાદિત કરવા જેટલો મોટો ડેમ બાંધીને ભારતમાં આવતા બ્રહ્મપુત્રના પાણીના મોટા જથ્થાને અટકાવી દેવાની ફિરાકમાં છે.

(11:35 am IST)
  • ઉત્તર પ્રદેશમાં ' લવ જેહાદ ' નો બીજો કેસ : શબાબ નામક મુસ્લિમ યુવકે રાહુલ નામ ધારણ કરી હિન્દૂ યુવતીને પ્રેમજાળમાં ફસાવ્યાનો આરોપ : 1 ડિસેમ્બરના રોજ લગ્ન થવાના હતા : 30 નવેમ્બરથી યુવક યુવતી બંને ગૂમ : આ અગાઉ બરેલી જિલ્લામાં પ્રથમ કેસ બન્યો હતો : બંને કેસમાં પોલીસ તપાસ ચાલુ : જો ગુનો પુરવાર થાય તો 10 વર્ષની જેલસજા અને 50 હજાર રૂપિયા દંડ થઇ શકે access_time 1:46 pm IST

  • કોરોના ગાંડોતૂર બનતા અમેરિકાના લોસ એન્જલીસમાં લોકડાઉનની જાહેરાત : લોકડાઉનનની જાહેરાતથી ગુજરાતનો હીરા ઉદ્યોગ ચિંતામાં : ક્રિસમસની ઘરાકી ઉપર પડી શકે છે મોટી અસર : સુરતમાં તૈયાર થયેલા હીરા અને જવેલરીની અમેરિકામાં સારી માંગ હોય છે : ક્રિસમિસના મોટા ભાગના ઓર્ડર સુરતથી રવાના થયા છે access_time 10:47 am IST

  • ઈટાલીમાં કોરોના ગાંડોતુર બન્યો: એકાદ હજારના મોત : ઈટાલીમાં મોડી રાત સુધીમાં કોરોના નિમિતે 993 મૃત્યુ થયા છે. આજે ઇટાલીમાં સૌથી ઘાતક દિવસ નીવડ્યો હતો. access_time 11:53 pm IST