Gujarati News

Gujarati News

News of Tuesday, 4th May 2021

બંગાળ ચૂંટણીમાં મોટા ભાગના પક્ષપલટુ નેતાઓનો પરાજય

બંગાળમાં ચૂંટણી પૂર્વે અનેક નેતાઓ ભાજપમાં જોડાયા : આ પૈકી મુખ્યમંત્રીને નંદીગ્રામમાંથી સુવેન્દુએ હરાવ્યા છે

નવી દિલ્હી, તા. ૩ : પશ્ચિમ બંગાળની ચૂંટણી યોજાઈ તેના પહેલા ટીએમસી છોડીને ભાજપમાં જોડાનારા નેતાઓનુ જાણે ઘોડાપૂર આવ્યુ હતુ.

આ નેતાઓ પૈકી મમતા બેનરજીને નંદીગ્રામમાંથી સુવેન્દુ અધિકારીએ હરાવ્યા છે પણ બીજા મોટાભાગના પક્ષપલટુ નેતાઓને હારનો સામનો કરવો પડ્યો છે.

જેમ કે સિંગપુરના પૂર્વ ધારાસભ્ય રબિન્દ્રનાથ ભટ્ટાચાર્ય, મમતા સરકારમાં મંત્રી રહી ચુકેલા રાજીવ બેનરજી, અભિનેતા રુદ્રનીલ ઘોષ તેમજ હાવડાના રથિન ચક્રવર્તી ટીએમસી છોડીને આ વખતે ભાજપની ટિકિટ પરથી ચૂંટણી લડ્યા હતા.આ તમામ નેતાઓ ચૂંટણી હારી ગયા છે.

રાજીવ બેનરજી આ પહેલા સતત બે વખતે ટીએમસીમાંથી ચૂંટણી જીત્યા હતા.જોકે આ વખતે ૪૨૦૦૦ મતે તમનો પરાજય થયો છે.સિંગુરમાં પણ ટીએમસી છોડીને ભાજપમાંથી ચૂંટણી લડનારા ભટ્ટાચાર્ય હારી ગયા છે.તેમને ૨૫૦૦૦ મતથી હાર મળી છે.

જોકે ટીએમસી છોડીને ભાજપમાં સામેલ થનારા બીજા બે નાતે મુકુલ રોય અને મિહિર ગોસ્વામી ચૂંટણી જીતવામાં સફળ રહ્યા છે.

(12:00 am IST)
  • મહારાષ્ટ્રના મુખ્યમંત્રી ઉદ્ધવ ઠાકરે આજે રાત્રે 8.30 કલાકે ફરી રાજ્યને સંબોધન કરશે. (ન્યૂઝફર્સ્ટ) access_time 7:41 pm IST

  • મહારાષ્ટ્રમાં કોરોના ધીમે ધીમે શાંત પડી ગયો છે, ૨૪ કલાકમાં નવા ૫૧ હજાર કેસ નોંધાયા કર્ણાટકમાં મોટો વિસ્ફોટ ૪૪ હજાર નવા કેસ: કેરળમાં ૩૭ હજાર: યુપીમાં ૨૫ હજાર: તામિલનાડુમાં ૨૧ હજાર: બેંગ્લોર ૨૦ હજાર: આંધ્ર ૨૦ હજાર: દિલ્હી ૨૦ હજાર: પશ્ચિમ બંગાળ ૧૭ હજાર: રાજસ્થાન ૧૬ હજાર: છત્તીસગઢ ૧૫ હજાર: બિહાર ૧૪ હજાર: હરિયાણા ૧૪ હજાર: ગુજરાત ૧૩ હજાર: અને મધ્યપ્રદેશમાં ૧૨ હજારથી વધુ નવા કોરોના કેસ નોંધાયા: મહારાષ્ટ્રના પૂણેમાં ૮ હજાર: મુંબઈમાં ૨૫૦૦, જ્યારે અમદાવાદમાં ૪૬૯૩, સુરત ૧૨૧૪, રાજકોટ ૫૯૩ અને વડોદરા ૫૬૩ નવા કેસ સવાર સુધીમાં નોંધાયા છે access_time 10:51 am IST

  • સાંજે ૬ વાગ્યે : રાજકોટમાં ૪૧.૨ ડિગ્રી : તાપ અને બફારા વચ્ચે ૧૪ કિ.મી.ની ઝડપે પવનો ફૂંકાઈ રહ્ના છે. હવામાન વિભાગ કહે છે હજુ ઍકાદ - બે દિવસ ૪૧ ડિગ્રી આસપાસ તાપમાન રહેશે : બાદ ૧ થી ૨ ડિગ્રી વધવા સંભવ access_time 5:48 pm IST