Gujarati News

કન્નૌજ,તા.૫ : પ્રેમીપંખીડા ભાગી જાય એવું તો તમે ઘણીવખત વાંચ્યું-સાંભળ્યું હશે, લગ્ન બાદ પ્રેમી સાથે ભાગી ગયેલા લોકો વિશે પણ તમે જાણ્યું હશે. પણ, ઉત્તરપ્રદેશમાં ૯ બાળકોની માતા પ્રેમી સાથે ભાગી ગઈ હોવાની ચોંકાવનારી ઘટના બની છે. પત્ની પ્રેમી સાથે ભાગી ગઈ હોવાની જાણકારી મળતા જ પરેશાન પતિ પોલીસ સ્ટેશન પહોંચ્યો અને આ અંગે ફરિયાદ નોંધાવી છે.

ઉત્ત્।રપ્રદેશના કન્નૌજમાં આધેડવયની એક મહિલા તેના પ્રેમી સાથે ભાગી ગઈ. હવે આ મહિલાના ૩૫ વર્ષીય પતિએ પોલીસ પાસે પહોંચીને આ ઘટના જણાવતા ન્યાયની માગ કરી છે. યુવકે કહ્યું કે મારી પત્ની તેના પ્રેમી સાથે ભાગી ગઈ છે અને અગાઉ તેઓ છુપાઈને એકબીજાને મળતા હતા.

પોલીસે આ યુવકની ફરિયાદના આધારે આગળની કાર્યવાહી શરૂ કરી છે. આ યુવકે પોલીસ ફરિયાદમાં જણાવ્યું કે મારી પત્નીને અજય નામનો વ્યકિત ફોસલાવીને ભગાડી ગયો છે. મારી પત્ની તેની સાથે જવેલરી અને ૫૦૦૦ રૂપિયા પણ લઈ ગઈ છે. તે ૫ દીકરી અને ૩ દીકરાને ઘર પર છોડીને જતી રહી છે અને પોતાની સાથે સૌથી નાના દીકરાને લઈ ગઈ છે.

આ યુવકે પોલીસ ફરિયાદમાં વધુમાં જણાવ્યું કે મારા પર અજય નામના વ્યકિતનો ફોન આવ્યો હતો અને મને જણાવ્યું કે તારી પત્ની અને બાળક મારી પાસે છે. જો તે કોઈ કાયદાકીય કાર્યવાહી કરી છે તો તારા બાળકને મારી નાખીશ. તારી પત્ની મારી સાથે રહેશે. બાદમાં આ યુવકે પોલીસમાં ફરિયાદ નોંધાવી અને ન્યાયની માગણી કરી છે.