Gujarati News

નવી દિલ્‍હી, તા. ૬ : તહેવારોની સિઝન શરૂ થઈ ગઈ છે. આ સિઝનમાં સોના-ચાંદીની ખરીદી મોટા પાયે થાય છે. પરંતુ આ દરમિયાન સોનાની કિંમતમાં વધારો થતો જોવા મળી રહ્યો છે. આ વખતે દિવાળી (દિવાળી ૨૦૨૨) પર સોનું મોંઘુ થઈ શકે છે. જોકે નિષ્‍ણાતોના મતે દિવાળી પર સોનાના ભાવમાં ઘટાડો જોવા મળી શકે છે. પરંતુ, MCX પર સોના અને ચાંદીના ભાવમાં વધારો જોવા મળી રહ્યો છે.

આજે, મલ્‍ટી કોમોડિટી એક્‍સચેન્‍જ (MCX) પર સોનાની કિંમત શરૂઆતના વેપારમાં ૦.૪૪ ટકા વધી છે. સોનાની સાથે ચાંદીમાં પણ વધારો જોવા મળી રહ્યો છે અને તે વાયદા બજારમાં ૧.૨૪ ટકા ઉછળ્‍યો છે.

એમસીએક્‍સ પર આજે સવારે ૯.૩૦ વાગ્‍યે ૨૪ કેરેટ શુદ્ધતાનું સોનું રૂ. ૨૨૯ વધી રૂ. ૫૧,૮૭૫ પ્રતિ ૧૦ ગ્રામ થયું હતું, જ્‍યારે ચાંદીનો ભાવ રૂ. ૭૫૩ વધીને રૂ. ૬૧,૫૨૦ પ્રતિ કિલો થયો હતો. વાસ્‍તવમાં, આજે સોનાનો ભાવ રૂ. ૫૧,૮૩૬ પર ખુલ્‍યો હતો, પરંતુ થોડા સમય પછી તે ઘટીને રૂ. ૫૧,૮૭૫ પર આવી ગયો હતો, જ્‍યારે ચાંદીનો ભાવ આજે રૂ. ૬૧,૧૦૦ પર કારોબાર શરૂ થયો હતો.

હવે વાત કરીએ વૈશ્વિક બજારની તો, છેલ્લા એક સપ્તાહથી આંતરરાષ્‍ટ્રીય બજારમાં સોના અને ચાંદીના ભાવમાં થયેલો વધારો આજે બંધ થઈ ગયો હતો. આજે, સોનાની હાજર કિંમત ૦.૨૨ ટકા ઘટીને ડોલર ૧,૭૧૯.૫૩ પ્રતિ ઔંસ થઈ ગઈ છે, જ્‍યારે ચાંદીની હાજર કિંમત આજે ૧.૧૪ ટકા ઘટીને ડોલર ૨૦.૭૮ પ્રતિ ઔંસ થઈ ગઈ છે. આ રીતે આંતરરાષ્‍ટ્રીય બજારમાં સોનાની કિંમતમાં ઘટાડો જોવા મળી રહ્યો છે.

જો તમે પણ સોના-ચાંદીની કિંમત જાણવા માગો છો, તો તમે તેને તમારા ઘરે બેઠા પણ સરળતાથી ચેક કરી શકો છો. ઈન્‍ડિયન બુલિયન એન્‍ડ જ્‍વેલર્સ એસોસિએશનના જણાવ્‍યા અનુસાર, તમે ૮૯૫૫૬૬૪૪૩૩ નંબર પર મિસ્‍ડ કોલ આપીને કિંમત જાણી શકો છો. તમારો મેસેજ એ જ નંબર પર આવશે જે નંબર પરથી તમે મેસેજ કરશો.