Gujarati News

કર્ણાટકમાં પંજાબના કેપ્ટન અમરિંદરવાળો દાવો સિદ્ધારમૈયાએ રમ્યો છે. 2017ની ચૂંટણીમા કેપ્ટને ચૂંટણી વખતે તેઓ છેલ્લી વખત મુખ્ય પ્રધાન તરીકે ચૂંટણી લડી રહ્યા હોવાનું કહીને લોકોનું સહાનુભૂતિ લઈને જીતી ગયા હતા. જોકે તેઓએ હજી સુધી રાજકરણથી નિવૃતિ લીધી નથી. કર્ણાટકમાં પણ કોંગ્રેસી નેતા એવો જ દાવ રમી રહ્યા છે.

 સૂત્રો મુજબ કર્ણાટકમાં ભાજપ અને કોંગ્રેસ બંને આ ચૂંટણી જીતવા મરણિયા થયા છે. એવામાં જાહેરસભામાં સિદ્ધારમૈયાએ ચૂંટણીના થોડા વખત પહેલા જ તેમણે રાજનેતા તરીકે છેલ્લી ચૂંટણી હોવાનો ઈમોશનલ કાર્ડ રમ્યું છે. તેઓ કર્ણાટકના કોંગ્રેસના પીઢ નેતા હોવાની સાથે લોકપ્રિય છે. તેમની ઈમોશનલ અપીલ લોકોને અપીલ કરશે એવું કોંગ્રેસનું માનવું છે