Gujarati News

Gujarati News

News of Friday, 7th May 2021

એલઆઈસીમાં હવે સોમથી શુક્રવાર કામકાજ થશે : દર શનિવારે રજા

૧૦મેથી નવો નિયમ અમલમાં આવશે, હવે ફકત પાંચ દિવસ કામ થશે

નવી દિલ્હી,તા.૭: જાહેર ક્ષેત્રની લાઈફ ઈન્સ્યોરન્સ કોર્પોરેશન (એલઆઈસઈ)ના કર્મચારી યુનિયન તેમજ મેનેજમેન્ટ વચ્ચે ચાલી રહેલા લાંબા સમયના વિવાદનો અંત આવ્યો છે. હવેથી એલઆઈસીમાં સપ્તાહના ફકત પાંચ દિવસ કામકાજ થશે. ૧૦ મેથી આ નવો નિયમો લાગુ પડશે. સપ્તાહમાં સોમથી શુક્રવાર સુધી જ એલઆઈસીની કચેરીઓમાં કામગીરી ચાલુ રહેશે અને શનિ-રવિ રજા રાખવામાં આવશે.

૧૫ એપ્રિલ ૨૦૨૧ના એક પરિપત્ર મુજબ કેન્દ્ર સરકારે જાહેર કર્યું છે કે શનિવારે એલઆઈસીની કચેરીમાં રજા રહેશે. તમામ પોલીસી ધારકો અને હિસ્સેદારોએ આ વાતનો ખ્યાલ રાખવો કે ૧૦મેથી આ નિયમ અમલમાં આવશે.

૧૦ મેથી એલઆઈસીની ઓફિસોમાં સોમવારથી શુક્રવાર ૧૦થી ૫.૩૦ સુધી કામકાજ રહેશે તેમ જણાવાયું હતું.

(10:12 am IST)