Gujarati News

ઈન્દોર સ્વર્ણબાગ આગની ઘટનામાં નવો વળાંક આવ્યો છે. પોલીસના જણાવ્યા અનુસાર, સાત લોકોએ અપૂરતા પ્રેમમાં પોતાનો જીવ ગુમાવ્યો છે. યુવતીના લગ્ન અન્ય જગ્યાએ નક્કી થયા બાદ શુભમ દીક્ષિત નામના યુવકે યુવતીને આગ ચાંપી દીધી હતી. યુવતી જે બિલ્ડિંગમાં રહેતી હતી, યુવકે તે જ બિલ્ડિંગમાં રાખેલી પોતાની કારને આગ લગાવી દીધી હતી, પરંતુ આગ બિલ્ડિંગમાં ફેલાઈ ગઈ અને 7 લોકોના મોત થઈ ગયા. આગમાં ઘાયલ યુવતી હોસ્પિટલમાં દાખલ છે. જ્યારે આરોપી યુવક હજુ ફરાર છે. ઇન્દોર પોલીસ કમિશનરે આ અંગે  માહિતી આપી છે.પહેલા સમાચાર આવ્યા હતા કે શોર્ટ સર્કિટના કારણે આગ લાગી હતી. પરંતુ પોલીસે આ આગની ઘટનાનો ખુલાસો કર્યો છે.

 અત્રે ઉલ્લેખનીય છે કે ઈન્દોરમાં શુક્રવારે મોડી રાત્રે એક મોટી દુર્ઘટના થઈ હતી. વિજય નગર પોલીસ સ્ટેશન વિસ્તારમાં ત્રણ માળની બિલ્ડીંગમાં આગ લાગી હતી. શરૂઆતમાં એવું માનવામાં આવતું હતું કે આ શોર્ટ સર્કિટનો મામલો છે. આગ એટલી ગંભીર હતી કે 7 લોકો જીવતા સળગીને મૃત્યુ પામ્યા હતા જ્યારે 8 લોકો ગંભીર રીતે દાઝી ગયા હતા. તમામ ઘાયલોને MY હોસ્પિટલમાં દાખલ કરવામાં આવ્યા હતા.

પ્રત્યક્ષદર્શીઓએ મોડી રાત્રે અચાનક બિલ્ડિંગમાંથી ધુમાડો નીકળતો જોયો. લોકો કંઈક સમજે ત્યાં સુધીમાં આગએ વિકરાળ સ્વરૂપ ધારણ કરી લીધું હતું. આગ અંગે સ્થાનિક લોકોએ તાત્કાલિક ફાયર બ્રિગેડને જાણ કરી હતી. ઘટનાસ્થળે પહોંચેલા ફાયર ફાઈટરોએ ભારે જહેમત બાદ આગ પર કાબુ મેળવ્યો હતો પરંતુ ત્યાં સુધીમાં ઘણું મોડું થઈ ગયું હતું. બીજી તરફ આગની જાણ થતાં આસપાસના મકાનો અને ઈમારતોમાંથી લોકો બહાર નીકળી રોડ પર આવી ગયા હતા.

મૃતકોમાં મોટાભાગના ભાડુઆત હતા. ફાયર બ્રિગેડને માહિતી મળતાં જ ટીમ ઘટનાસ્થળે પહોંચી હતી અને ત્રણ કલાકની જહેમત બાદ આગ પર કાબૂ મેળવ્યો હતો. ફાયર ફાઈટર અને પોલીસ ઈમારતની અંદર ગયા પછી ત્યાં 5 લોકો મૃત હાલતમાં મળી આવ્યા હતા. જ્યારે પાંચ ઈજાગ્રસ્તોને બહાર કાઢીને હોસ્પિટલ લઈ જવાયા હતા.

મધ્યપ્રદેશના મુખ્યમંત્રી શિવરાજ સિંહ ચૌહાણે ઈન્દોરમાં થયેલી ઘટનાની તપાસના આદેશ આપ્યા હતા. તેમણે મૃતકના નજીકના સંબંધીઓને 4-4 લાખ રૂપિયા આપવાની પણ જાહેરાત કરી હતી. શિવરાજે મૃત્યુના સમાચાર પર શોક વ્યક્ત કર્યો