Gujarati News

ગાઝિયાબાદ, તા.૭ : ગાઝિયાબાદના ડબલ મર્ડર કેસમાં પોલીસે થોડા જ કલાકોમાં મોટો ખુલાસો કર્યો છે. આ ભયાનક ઘટનાનો આરોપી પરિવારની પરિચિત મહિલા જ છે, જેણે તેના મિત્ર સાથે મળીને આ ઘટનાને અંજામ આપ્યો હતો. પોલીસે બંનેની ધરપકડ કરી છે. તેમની પાસેથી પિસ્તોલ, લૂંટાયેલા પૈસા અને ઝવેરાત મળી આવ્યા છે. આરોપી મહિલાની ઓળખ ઉમા તરીકે થઈ છે, જેના મિત્ર સોનુને પોલીસે એક્નાઉન્ટરમાં ધરપકડ કરી હતી. ગાઝિયાબાદના એસએસપી કલાનિધિ નૈથાનીએ જણાવ્યું કે, પરિચિત મહિલાએ લૂંટના ઇરાદે હુમલો કર્યો હતો. આરોપી મહિલા બંદૂક લઈને મિત્ર સાથે લૂંટ ચલાવવા ગઈ હતી. ડરાવવા માટે ફાયરિંગ કર્યું પરંતુ તમંચો જામ થયા બાદ ઘરમાં રાખેલી ખાંડણી અને ચપ્પુ વડે મહિલા સહિત ૫ લોકો પર હુમલો કર્યો હતો.

જેમાં મહિલા અને ઘરે ટ્યુશન ભણાવવા આવેલી યુવતીનું મોત થયું હતું. આરોપી ઉમાએ પૂછપરછ દરમિયાન જણાવ્યું હતું કે, 'ડોલી ગામના સંબંધથી મારી સાસુની પૌત્રી હતી. હું તેની માતા જેવી હતી. ડોલી અને બાળકો મને અમ્મા કહેતા. ઘણા સમયથી મારી સોનુ સાથે યોજના ચાલી રહી હતી. હું આજે તેના ઘરે ગઈ. અમે ચા વગેરે પીધા. ત્યારબાદ સોનુએ બધાને ઘરમાં બંધ કરી દીધા. હું બહાર ઉભો હતી તેણે યુવતીને ગોળી મારી દીધી. ડોલીને પણ ગોળી વાગી હતી. ત્યારબાદ તે રસોડામાંથી છરી, સ્ક્રુડ્રાઇવર અને ખાંડણી લઈને આવ્યો. હું રૂમની બહાર જ ઉભી હતી. પોલીસે આરોપી મહિલા ઉમા અને તેના સાથી સોનુની ધરપકડ કરી છે. એક્નાઉન્ટર બાદ સોનુની ધરપકડ થઈ છે. એસએસપી નૈથાનીએ કહ્યું, મસૂરી પોલીસ સ્ટેશન વિસ્તારમાં બે મહિલાઓની હત્યા કર્યા પછી તરત જ મેં અને અન્ય પોલીસ અધિકારીઓએ ઘટનાસ્થળની તપાસ કરી.* તે જ સમયે પાંચ ટીમો બનાવવામાં આવી હતી. તપાસ દરમિયાન જાણવા મળ્યું કે એક જ પરિવારના કોઈ પરિચિત ઉમાએ તેના મિત્ર સાથે મળીને આ ગુનો કર્યો હતો. બંનેએ આર્થિક લાભ માટે લૂંટની યોજના બનાવી હતી.

જણાવી દઇએ કે, ગાઝિયાબાદના મસૂરી પોલીસ સ્ટેશન વિસ્તારમાં શનિવારે રાત્રે એક ચોંકાવનારી ઘટના બની હતી, જ્યાં ઘરમાં ઘૂસીને બે મહિલાઓની હત્યા કરવામાં આવી હતી. આ ઘટનામાં ત્રણ બાળકો ગંભીર રીતે ઘાયલ થયા છે. આ ભયાનક ઘટનામાં પરિવારની ૩૩ વર્ષીય ડોલી અને તેમની સાથે ટ્યુશન ભણાવવા આવેલી ૧૭ વર્ષીય અંશુએ જીવ ગુમાવ્યો છે. ગુનેગારોએ નિર્દયતાથી હત્યા કરી છે. ડોલી અને અંશુ પર ખાંડણી અને તીક્ષ્ણ હથિયારો વડે હુમલો કરવામાં આવ્યો હતો. ઘટનાના બંને આરોપી સિહાની ગેટ ગાઝિયાબાદના રહેવાસી છે. આરોપી ઉમા પીડિત પરિવારના પૂર્વ પરિચિત હરીશની પત્ની છે, જ્યારે સોનુ તેનો પરિચિત પડોશી છે. પોલીસે આરોપીઓ પાસેથી એક પિસ્તોલ, તમંચો, સોના-ચાંદીના દાગીના, રોકડ, કપડાં અને મોબાઈલ ફોન કબજે કર્યા છે. હુમલામાં ઘાયલ ગૌરીએ તેના નિવેદનમાં આરોપીની ઓળખ અને પુષ્ટિ કરી છે.