Gujarati News

મુંબઇ તા. ૮ : રાખીએ પતિ આદિલ પર છેતરપિંડી અને એક્‍સ્‍ટ્રા મેરિટલ અફેરનો આરોપ લગાવ્‍યો હતો. હવે રાખીએ ચોંકાવનારો દાવો કર્યો છે. રાખીએ તેની માતાના મૃત્‍યુ માટે આદિલને જવાબદાર ઠેરવ્‍યો છે. સાથે જ તેના પર મારપીટનો આરોપ લગાવતા હવે પોલીસ પાસે સુરક્ષાની માગ કરી છે. રાખીએ આદિલ વિરૂદ્ધ પોલીસ ફરિયાદ નોંધાવી છે. સોમવારે એટલે કે ૫ ફેબ્રુઆરીએ રાખી સાવંત, આદિલ વિરૂદ્ધ ઓશિવારા પોલીસ સ્‍ટેશન પહોંચી હતી.

રાખી સાવંતે આદિલ પર મારપીટનો આરોપ લગાવતા કહ્યું કે પતિએ તેના પેટમાં એટલી જોરથી લાત મારી કે પેશાબ નીકળી ગયો. હાલમાં જ પાપારાઝી સાથે વાત કરતી વખતે રાખી ભાંગી પડી અને કહ્યું, ‘આદિલે મારા પેટમાં લાત મારી. રડતી વખતે મારો પેશાબ નીકળી ગયો. આદિલે મને છોડી દીધી. જે સમયે મારી માતા અંતિમ શ્વાસ લઈ રહી હતી ત્‍યારે તે અન્‍ય યુવતી સાથે બેડ પર હતો. રાખી સાવંતે કહ્યું કે જયારે આદિલ તેની ગર્લફ્રેન્‍ડ સાથે ઘરે આવ્‍યો ત્‍યારે તેના આખા શરીર પર લવ બાઈટના નિશાન હતા.'

રાખી સાવંત રડવા લાગી અને પછી બોલી, ‘આદિલે મને પાગલ કરી દીધી છે. તેણે મારી માતાને મારી નાખી છે. જો મારી માતાને સમયસર સારવાર મળી હોત તો કદાચ તે મૃત્‍યુ પામી ના હોત. હજુ કેટલો ત્રાસ આપીશ આદિલ? તે મને રોડ પર લાવી દીધી.' રાખી સાવંતે થોડા દિવસો પહેલા દાવો કર્યો હતો કે આદિલનું લવ અફેર છે. રાખીએ મીડિયાના માધ્‍યમથી આદિલને ચેતવણી આપી હતી કે તેણે હવે સુધરવું જોઈએ. રાખી સાવંતે એવો પણ દાવો કર્યો હતો કે આદિલનો ક્રિમિનલ રેકોર્ડ છે અને એક વખત મૈસુર પોલીસે તેની ધરપકડ પણ કરી હતી. રાખીના કહેવા પ્રમાણે આદિલ ૨ દિવસ જેલમાં પણ રહી ચૂક્‍યો છે.