Gujarati News

મુંબઈ, તા. ૮ : નબળા વૈશ્વિક વલણને લીધે સેન્સેક્સ દિવસના અંતે ૪૭૧.૦૩ પોઇન્ટ ઊતાર-ચઢાવ સાથે સમાપ્ત થયો હતો, જે ૫૧.૮૮ પોઇન્ટ અથવા ૦.૧૪ ટકાના ઘટાડા સાથે ૩૮,૩૬૫.૩૫ પોઇન્ટ સાથે બંધ થયો હતો. એ જ રીતે નેશનલ સ્ટોક એક્સચેંજનો નિફ્ટી ૩૭.૭૦ પોઇન્ટ અથવા ૦.૩૩ ટકાના ઘટાડા સાથે ૧૧,૩૧૭.૩૫ પોઇન્ટની સપાટીએ બંધ રહ્યો હતો.

સેન્સેક્સ કંપનીઓમાં ટાટા સ્ટીલનો શેર સૌથી વધુ ચાર ટકાના ઘટાડા પર હતો. ભારતી એરટેલ, એક્સિસ બેક્ન, ઓએનજીસી, એસબીઆઈ અને સન ફાર્માના શેરો પણ ઘટ્યા હતા. બીજી તરફ, એચસીએલ ટેક, ઇન્ફોસીસ, રિલાયન્સ ઇન્ડસ્ટ્રીઝ, ટેક મહિન્દ્રા અને ટીસીએસના શેર નફાકારક હતા.

વેપારીઓએ કહ્યું કે લગભગ આખો દિવસ સ્થાનિક શેર ભારતીય બજારના નફામાં હતો. વેપારના છેલ્લા કલાકમાં યુરોપિયન બજારોના નબળા પ્રારંભના સમાચારથી સ્થાનિક બજારમાં વેચવા દબાણ વધ્યું અને મુખ્ય સૂચકાંકો બંધ રહ્યા. અન્ય એશિયાઈ બજારોમાં, ચીનના શાંઘાઈ કમ્પોઝિટ, હોંગકોંગના હેંગસેંગ, દક્ષિણ કોરિયાના કોસ્પી અને જાપાનની નિક્કી નફા સાથે બંધ થયા છે. ગ્લોબલ બેંચમાર્ક બ્રેન્ટ ક્રૂડ ઓઇલ વાયદો ૧.૬૯ ટકા ઘટીને. ૪૧.૩૦ ડોલરના સ્તરે છે. ઇન્ટરબેંક વિદેશી વિનિમય બજારમાં રૂપિયો ૨૫ પૈસા તૂટીને ૭૩.૬૦ ની સપાટીએ બંધ રહ્યો છે. આંતરરાષ્ટ્રીય વિદેશી વિનિમય બજારમાં બેક્નો અને આયાતકારોની ડોલરની માગને કારણે મંગળવારે રૂપિયો ૨૫ પૈસા તૂટીને ૭૩.૬૦ (કામચલાઉ) ની સપાટીએ બંધ રહ્યો હતો. ઇન્ટરબેંક વિદેશી વિનિમય બજારમાં રૂપિયો ડોલર સામે ૭૩.૩૩ ની નીચી સપાટીએ ખુલ્યો અને અંતે ડોલર દીઠ ૭૩.૬૦ પર બંધ રહ્યો. આ અગાઉના બંધ ભાવથી ૨૫ પૈસાના ઘટાડાને ચિહ્નિત કરે છે.દિવસના કારોબાર દરમિયાન રૂપિયો ૭૩. ૩૭ ની ઉપરની સપાટી અને યુએસ ડોલર સામે ૭૩..૬૪ ની નીચી સપાટીને સ્પર્શ્યો હતો. સોમવારે રૂપિયો ૭૩.૩૫ ના સ્તરે બંધ રહ્યો હતો. છ મોટી કરન્સી સામે યુએસ ડોલરની સ્થિતિ દર્શાવતો ડોલર ઈન્ડેક્સ ૦.૪૩ ટકા વધીને ૯૩.૧૧ પર હતો.શેરબજારના ડેટા અનુસાર વિદેશી સંસ્થાકીય રોકાણકારોએ સોમવારે શુધ્ધ રુપે  રૂ. ૬.૯૩ કરોડના શેર વેચ્યા હતા.