Gujarati News

લખનૌ,તા. ૮ : 'પ્રેમ આંધળો હોય છે' એ કહેવત તો તમે સાંભળી જ હશે. પણ ૭ બાળકોની માતા પ્રેમી સાથે ભાગી ગઈ હોય તેવો કિસ્સો ભાગ્યે જ તમારા ધ્યાનમાં સામે આવ્યો હશે. પણ ઉત્ત્।ર પ્રદેશના ગાઝીપુરના ગદાઈપુર ગામમાં આવો જ એક કિસ્સો સામે આવ્યો છે. જેમાં ૭ બાળકોની માતા ૫ બાળકીઓને પોતાના પતિ સાથે છોડી દીધી હતી અને બે બાળકોને લઈને પ્રેમી સાથે ફરાર થઈ ગઈ હતી. આ મામલે મહિલાના સસરાએ પોલીસમાં એક યુવક સામે ફરિયાદ નોંધાવતાં પોલીસે તપાસ શરૂ કરી છે

ઉત્ત્।ર પ્રદેશના ગાઝીપુરના ગહમર પોલીસ સ્ટેશનમાં મહિલાના સસરા અક્ષયબર ચૌધરીએ ફરિયાદ નોંધાવતાં જણાવ્યું છે કે, ૨૦૦૩માં તેમના પુત્ર ધનરાજ ચૌધરીના લગ્ન ગહમર ઉત્ત્।ર ટોલાની રહેવાસી કિરન સાથે થયા હતા. પુત્ર ધનરાજ પરિવારનું ગુજરાન ચલાવવા માટે પંજાબના લુધિયાણામાં રહે છે. ધનરાજ અને કિરનને પાંચ દીકરીઓ અને બે દીકરાઓ છે

ફરિયાદમાં આગળ જતાં સસરાએ જણાવ્યું કે, એક બપોરે કિરણ દવા લેવા માટે દ્યરેથી તેના પિયર ગહમર ગઈ હતી. અને આ વખતે તે પોતાના બે દીકરાઓને પણ સાથે લઈ ગઈ હતી. જો કે, મોડી રાત સુધી કિરણ દ્યરે પરત ફરી ન હતી. તેથી સાસરીયાઓ વિચાર્યું કે, મોડું થવાને કારણે કિરણ પોતાના પિયરમાં રોકાઈ ગઈ હશે. જો કે, બીજા દિવસે સવાર થતાંની સાથે જ સસરા પોતાની વહુની શોધમાં ગહમર પહોંચ્યા હતા. પણ ત્યાં પહોંચતાની સાથે જ તેમને મોટો ઝટકો લાગ્યો હતો. કેમ કે, કિરણ તેના પિયરમાં પણ આવી ન હતી.

જે બાદ સાસરી પક્ષ દ્વારા કિરણની સદ્યન શોધખોળ શરૂ કરી દેવામાં આવી હતી. આ દરમિયાન તેઓને ચોંકાવનારી વિગત જાણવા મળી હતી. તેમની વહુ કિરણનું બલિયા જિલ્લાના રસડા ગામના રહેવાસી સરદાર ચૌધરી સાથે પ્રેમ પ્રસંગ ચાલી રહ્યો હતો. સરદાર ચૌધરીની બહેનની સાસરી ગદાઈપુર હતી. અને તે અવારનવાર ગદાઈપુર આવતો-જતો હતો. અને આ દરમિયાન તેની આંખ કિરણ સાથે મળી ગઈ હતી. અને બંને એકબીજાની નજીક આવી ગયા હતા. અને બંને વચ્ચેનો પ્રેમ એવો પાંગર્યો કે, સાત બાળકોની માતા પ્રેમી સાથે ફરાર થઈ ગઈ હતી.