Gujarati News

મુંબઇ,તા. ૮: તમે કોઈપણ હોટલ કે રેસ્ટોરન્ટમાં જાઓ છો, તો ત્યાંની પોતાની એક સ્પેશ્યાલિટી હોય છે,, પણ સ્ટ્રીટ ફૂડમાં તમને એવા પ્રકારના કોમ્બિનેશન જોવા મળે છે, જેવા તમે જવલ્લે જ જોવા મળે. ફૂડને નવો ફ્લેવર આપવાના ચક્કરમાં સોશિયલ મીડિયા પર હાલ લીલા મરચાની આઇસ્ક્રીમ ખૂબ જ વાયરલ થઈ રહી છે. આના સ્વાદ વિશે વિચારીને જ ઇન્ટરનેટ યૂઝર્સ આળવીતરી કોમેન્ટ્સ કરી રહ્યા છે.

વેન્ડરે જે રીતે આઇસ્ક્રીમને લીલા મરચા સાથે મિકસ કરીને રોલ બનાવ્યો છે, તેને જોઇને લોકો ચોંકી ઉઠ્યા છે. આ હટકે ડિશને વેન્ડરે નામ આપ્યું છે - 'જન્નત મિર્ચી આઇસ્ક્રીમ રોલ' ખાવાની સાથે આવું આળવીતરું એકસપરિમેન્ટ જોઇને તમારું મગજ પણ હલબલી જશે. તો જાણો આ તીખી-મીઠી આઇસ્ક્રીમની રેસિપી.

'જન્નત મિર્ચી આઇસ્ક્રીમ રોલ' બનાવવા માટે પહેલા દુકાનદારે તીખા મરચાના નાના-નાના ટુકડા કર્યા. આ ટુકડા પર તે ન્યૂટ્રેલા નાખે છે, પછી ક્રીમ મિલ્ક નાખીને બધું એક સાથે ક્રશ કરી દે છે. ફ્રીઝર પર આઇસ્ક્રીમને સરસ રીતે બીટ કરી દુકાનદાર તેને યોગ્ય રીતે સ્પ્રેડ કરે છે અને પછી તેને કાપીને નાના-નાના રોલ બનાવે છે. આ રીતે લીલા મરચાની આઇસ્ક્રીમ તૈયાર કર્યા પછી તે આ રોલ પર અમુક સીરપ નાખ્યા પછી મરચાંની ટોપિંગ્સ સાથે જ સર્વ પણ કરે છે.

આઇસ્ક્રીમ રોલના વીડિયો YouTube પર Spoons of Indore નામના ચેનલ પરથી શેર કરવામાં આવ્યો છે. અત્યાર સુધી આ વીડિયોને લગભગ ૪ લાખ વ્યૂઝ મળી ચૂકયા છે. જેણે પણ આ વીડિયો જોયો છે, તે રસપ્રદ પ્રતિક્રિયા આપી રહે છે. આઇસ્ક્રીમ રોલ ટેસ્ટ કર્યા વગર જ લોકોનું મન ભરાઇ જાય છે. એક યૂઝરે કોમેન્ટ કરતા લખ્યું -  બસ મરચા સાથે આ જ થવાનું બાકી રહી ગયું હતું. કેટલાક લોકોએ એ પણ કહ્યું કે હવે ફૂડ અબ્યૂઝ કન્ટ્રોલ બ્યૂરો બની જવું જોઈએ, જેથી લોકો ખોરાક સાથે આવા આળવીતરા પ્રયોગો ન કરે.