Gujarati News

Gujarati News

News of Saturday, 10th April 2021

અમેરિકાના મીશીગનમાં કોરોના રસી અપાઈ હોવા છતા ૨૪૬ને સંક્રમણ અને ૩ના મોત

મીશીગનઃ. મીશીગનના આરોગ્ય વિભાગ અનુસાર, મીશીગનમાં કોરોનાના બન્ને ડોઝ અપાયેલા ૨૪૬ વ્યકિતઓ સંક્રમિત થયા છે. જેમાથી ૧૧ને હોસ્પીટલમાં દાખલ કરાયા છે અને તેમાથી ૩ના મોત થયા છે. રાજ્યમાં ૧૮ લાખ લોકોને રસી અપાઈ હોવાનું પ્રશાસને કહ્યુ છે.

આવા કેસનો આંકડો જો કે અત્યંત ઓછો છે તેમ છતાં જાહેર આરોગ્ય ખાતા દ્વારા બે નોટીસો સતત બહાર પાડવામાં આવી રહી છે કે રસી સંક્રમણ સામે કોઈ ગેરંટી નથી આપતી અને મહામારી દરમ્યાન રસી લીધેલ વ્યકિતઓએ પણ માસ્ક તથા અન્ય સુરક્ષા પ્રોટોકોલ પાળવા જરૂરી છે.

બ્યુમોન્ટના ઈન્ફેકશન પ્રીવેન્શનના મેડીકલ ડાયરેકટર ડોકટર નીક ગીલ્પીન અનુસાર રસીના બન્ને ડોઝ અપાયેલ ૯ દર્દીઓ હાલમાં બ્યુમોન્ટ હેલ્થ હોસ્પીટલમાં સારવાર હેઠળ છે. ડો. ગીલ્પીને કહ્યું કે બ્યુમોન્ટના રેકોર્ડ અનુસાર ૧,૫૬,૪૩૦ લોકોને રસી અપાઈ છે તેમાથી ૪૧ના રિપોર્ટ પછીથી પોઝીટીવ આવ્યા છે. આ આંકડો બહુ ઓછો ગણાય. આટલા કેસોથી પરેશાન થવાની જરૂર નહી કેમ કે ગમે તેવી સારામા સારી રસી હોય તો પણ જેમની રોગ પ્રતિકારક શકિત બહુ ઓછી હોય તો સંક્રમણ થઈ શકે છે.

(11:42 am IST)
  • મધ્યપ્રદેશના અમુક શહેરોમાં 10 દિવસનું લોકડાઉન : ઇન્દોર, બરવાની, રાજગઢ , વિદિશા (અર્બન-રૂરલ), રાઉ નગર, મહુનગર ,શાજપુર, તથા ઉજ્જૈનમાં 19 એપ્રિલ સવારના 6 વાગ્યા સુધી લોકડાઉન લંબાવાયું : બાલાઘાટ, નરસિંહપુર, સિઓની અને જબલપુરમાં 12 એપ્રિલથી 22 એપ્રિલ સુધી લોકડાઉન ઘોષિત કરાયું : ચીફ મિનિસ્ટર શિવરાજસિંહ ચૌહાણની બેઠકમાં લેવાયેલો નિર્ણય access_time 8:57 pm IST

  • દેશમાં કોરોનાના કેસમાં ભયાનક ઉછાળો : અત્યાર સુધીના તમામ રેકોર્ડ તૂટ્યા : રાત્રે 12 વાગ્યા સુધીમાં કોરોનાના નવા 1,52,419 કેસ નોંધાયા :કુલ કેસની સંખ્યા 1,33,55,319 :એક્ટિવ કેસ 11,02,316 થયા વધુ 90,237 દર્દીઓ સ્વસ્થ થતા કુલ 1,20,78,242 થયા :વધુ 837 લોકોના મોત સાથે કુલ મૃત્યુઆંક 1,69,304 થયા: દેશમાં સૌથી વધુ મહારાષ્ટ્રમાં નવા 55,411 નવા કેસ નોંધાયા : છત્તીસગઢમાં 14,098 કેસ જયારે ઉત્તર પ્રદેશમાં 12,748 કેસ નોંધાયા access_time 1:03 am IST

  • લોકડાઉનના ડરના કારણે સૌરાષ્ટ્રવાસીઓ અને પરપ્રાંતીયોએ સુરતથી પોતાના વતન તરફ દોટ મૂકી access_time 4:44 pm IST