Gujarati News

Gujarati News

News of Thursday, 10th September 2020

ગુગલના નવા ફીચરમાં કોણ કોલરનું નામ જાણી શકાશે

ગુગલે નવા ફીચર લોન્ચ કર્યા : તમને કોણ કોલ કરી રહ્યું છે અને શા માટે કોલ કરી રહ્યુ઼ છે બંને વસ્તુ ગુગલનું આ નવું ખાસ ફીચર જણાવી દેશે

નવી દિલ્હી,તા.૧૦: સર્ચ એન્જિન કંપની ગૂગલ દ્વારા તાજેતરમાં જ વેરીફાઈડ કોલ જ ફીચરની ઘોષણા કરવામાં આવી છે અને તેને ગુગલ ફોન એપ્લિકેશનનો ભાગ બનાવવામાં આવ્યો છે. ગુગલની આ સુવિધા વપરાશકર્તાઓને કહેશે કે કોણ કોલ કરી રહ્યું છે, કોલિંગ કરવાનું કારણ શું છે અને કોલરનો લોગો પણ બતાવશે. નવી સુવિધા લાવવા પાછળનું મોટું કારણ ફોન કોલ્સ દ્વારા આચરવામાં આવતી છેતરપિંડીને કાબૂમાં લેવાનું છે. આ સુવિધા ટ્રુકોલર એપ્લિકેશનને સીધી સ્પર્ધા આપી શકે છે. ભારત સહિત વિશ્વમાં ફ્રોડ કોલ્સ એક મોટી સમસ્યાઓ છે, અને વેરિફાઈડ કોલ ફીચરને લાવીને વપરાશકર્તાઓને આમાંથી બચાવી શકાય છે. કોઈ પ્રકારનાં વ્યવસાયિક કોલ્સના કિસ્સામાં વપરાશકર્તાને દેખાશે કે કોણ તેને કોલ કરી રહ્યું છે અને શા માટે છે. આ સિવાય ગૂગલ દ્વારા વેરિફાઇ કરવામાં આવેલ નંબર પર બિઝનેસનો વેરિફાઇડ બેચ પર પણ દેખાશે. આ ફીચર ભારત, સ્પેન, બ્રાઝિલ, મેક્સિકો અને યુએસ સહિત વિશ્વભરમાં રજૂ કરવામાં આવી રહ્યું છે. હાલમાં ટ્રુકોલર એપ્લિકેશન પણ પોતાના વપરાશકર્તાઓને સમાન ફંક્શન આપે છે અને ગુગલ ફોન એપ્લિકેશનમાં આ સુવિધા આવી જતા આ ફીચર ઘણા વપરાશકર્તાઓના હેન્ડસેટનો એક ભાગ બનશે. એટલે કે કોઈ પણ એપ્લિકેશનને અલગથી ડાઉનલોડ કરવાની જરૂર રહેશે નહીં અને ગૂગલ વેરિફાઈડ કોલ અને ટ્રુકોલર એપ્લિકેશનનું કામ કરી દેશે. એક બ્લોગ પોસ્ટમાં ગૂગલે લખ્યું છે કે પાયલોટ પ્રોગ્રામના પ્રારંભિક પરિણામો ખૂબ સારા આવ્યા છે અને વપરાશકર્તાઓને તેનો લાભ ચોક્કસપણે મળશે.

(3:20 pm IST)
  • પાકિસ્તાનમાં કલાકારોના ઘરનું ડિમોલિશન નથી થતું : મહેરબાની કરી તમારા વિવાદમાં અમારા દેશને ન સંડોવો : કંગના રનૌતની 48 કરોડ રૂપિયાની ઓફિસનું મુંબઈ મહાપાલિકાએ ડિમોલિશન કરતા તેણે મુંબઈની સરખામણી પાકિસ્તાન સાથે કરી હતી : પાકિસ્તાની પત્રકાર મહિલા મેહર તરારે વાંધો ઉઠાવતા વિવાદમાં ફસાઈ access_time 12:34 pm IST

  • ઉધ્ધવ સે 'પંગા'? કંગના રનૈાત વિરૂધ્ધ પોલીસ ફરીયાદ :અપમાનજનક ભાષાનો ઉપયોગ કર્યો હોવાનો મૂકાયો આરોપ :બોલિવૂડ અભિનેત્રી કંગના રનૌત અને મહારાષ્ટ્રના મુખ્યમંત્રી ઉદ્ઘવ ઠાકરેની વચ્ચેનો વિવાદ વધતો જઈ રહ્યો છે. કંગના સતત ઉદ્ઘવ અને શિવસેના ઉપર હુમલો કરી રહી છે. તો બીજી તરફ મુંબઈની બાક્રોલી પોલીસ સ્ટેશનમાં કંગનાની વિરૂદ્ઘ આપત્ત્િ।જનક ટિપ્પણીને લઈને કેસ દાખલ કરવામાં આવ્યો છે. સીએમ ઉદ્ઘવ ઠાકરે ઉપર આપત્ત્િ।જનક ટિપ્પણી કરવામાં આવતા કેસ દાખલ કરવામાં આવ્યો છે access_time 3:52 pm IST

  • આજે બપોરે સેન્‍સેકસ ૬૪૬ પોઈન્‍ટના ઉછાળા સાથે ૩૮,૮૪૦ ઉપર બંધ રહેલ : નીફટીમાં ૧૭૧ પોઈન્‍ટનો મોટો ઉછાળો આવ્‍યો હતો અને ૧૧,૪૪૯ એ બંધ રહ્યો છે : સોનાનો ભાવ ૫૧,૨૨૬ હતો જયારે ચાંદીનો ભાવ ૬૫,૫૭૯ રહ્યાનું સી.કે. ફાયનાન્‍શીયલ્‍સે જણાવ્‍યુ છે access_time 5:54 pm IST