Gujarati News

Gujarati News

News of Thursday, 10th September 2020

આવકવેરા વિભાગે ૨૭.૫૫ લાખ કરદાતાઓને મોકલ્યા ૧.૦૧ લાખ કરોડના રિફંડ

નવી દિલ્હી તા. ૧૦ : આવકવેરા વિભાગે ગઇકાલે કહ્યું કે, તેણે એક એપ્રિલથી આઠ સપ્ટેમ્બર ૨૦૨૦ દરમિયાન ૨૭.૫૫ લાખ કરદાતાઓને ૧.૦૧ લાખ કરોડ રૂપિયાના રિફંડ આપ્યા છે. આ રકમમાં ૨૫.૮૩ લાખ કરદાતાઓને ૩૦૭૬૮ કરોડ રૂપિયાનું વ્યકિતગત આવકવેરા રિફંડ પણ સામેલ છે. જ્યારે ૧.૭૧ લાખ કરદાતાઓને ૭૦૫૪૦ કરોડ રૂપિયાનો કંપની ટેક્ષ આ દરમિયાન રિફંડ કરાયો છે.

કેન્દ્રીય ડાયરેકટ કર બોર્ડ (સીબીડીટી)એ ટવીટ કરીને કહ્યું, સીબીડીટીએ ૧ એપ્રિલથી ૮ સપ્ટેમ્બર ૨૦૨૦ દરમિયાન ૨૭.૫૫ લાખ કરદાતાઓને ૧,૦૧,૩૦૮ કરોડનું રિફંડ જાહેર કર્યું છે. કોવિડ-૧૯ મહામારી દરમિયાન સરકારનો પ્રયાસ રહ્યો છે કે કરદાતાઓને કોઇ પણ પ્રકારની પરેશાની વગર સરળતાથી કર અંગેની સેવાઓ ઉપલબ્ધ કરાવવામાં આવે. આ પ્રયાસો હેઠળ બધાના અટવાયેલા રિફંડો જાહેર કરાઇ રહ્યા છે.

(3:20 pm IST)
  • અમેરિકાના ઓરેગનમાં આવેલા જંગલમાં ભીષણ આગ : સખત તાપમાનને કારણે ફાયર ફાઈટર પણ પાછા ફર્યા : અનેક ઘરો બળીને ખાખ : 4 લાખ 70 હજાર એકર જમીનમાં આગની જ્વાળાઓ ફેલાતા અનેક લોકોનું સ્થળાંતર કરાયું access_time 11:46 am IST

  • વડાપ્રધાન નરેન્‍દ્રભાઈ મોદીએ કહ્યુ છે કે કોરોનાને હળવાશ થી બિલકુલ લેતા નહિં, ફેઈસ માસ્‍ક પહેરી જ રાખો અને બે ગજનું સોશ્‍યલ ડિસ્‍ટન્‍સ અચૂક જાળવી રાખો access_time 5:53 pm IST

  • દ્વારકા શહેરના પી.આઈ કોરોનાથી સંક્રમિત : હોમ આઇસોલેશન થયા access_time 11:10 pm IST