Gujarati News

Gujarati News

News of Thursday, 10th September 2020

ટ્રાયમ્‍ફે ભારતમાં પોતાની નવી મોટરસાયકલ Rocket 3 GT લોન્‍ચ કરી દીધીઃ કિં.18.4 લાખઃ દેશભરમાં બુકિંગ ચાલુ કરાયુ

નવી દિલ્હીઃ ટ્રાયમ્ફે ભારતમાં પોતાની નવી મોટરસાઇકલ રોકેટ 3 જીબીને લોન્ચ કરી દીધી છે. જેનીં કિમત 18.4 લાખ રૂપિયા એક્સ-શોરૂમ નક્કી કરવામાં આવી છે. મહત્વનું છે કે આ કિંમત રોકેટ 3Rની તુલનામાં 40,000 રૂપિયા વધુ છે. જો તમે આ બાઇકને બુક કરાવવા ઈચ્છો છો તો, દેશભરમાં તેનું બુકિંગ શરૂ થઈ ગયું છે.

ટ્રાયમ્ફની આ મોટરસાઇકલ Rocket 3 GTમા  2,458-cc નું ટ્રિપલ સિલિન્ડર એન્જીન આપવામાં આવ્યું છે. તેનો ઉપયોગ કંપની હાલનો મોડલોમાં કરી રહી છે. આ એન્જીન  167PSની પાવર અને 221Nmનો વધુ ટોર્ક પેદા કરવામાં સક્ષમ છે. આ સાથે બાઇક ન માત્ર ભારતની પરંતુ વિશ્વની સૌથી શક્તિશાળી બાઇકમાંથી એક છે. અહીં ધ્યાન આપવાની વાત છે કે ટ્રાયમ્ફ બાઇકના શોખીનોને આકર્ષવા માટે કંપની પોતાના પોર્ટફોલિયોમાં રોકેટ 3 મોડલની જીટી વર્ઝનને જોડવા ઈચ્છે છે. જો ત્રણ સિલિન્ડર અને ટ્વિન એગ્ઝોસ્ટની સાથે ચોક્કસપણે સ્પોર્ટ્સ બાઇકમાં એક અનોખી ઓળખ બનાવશે.

ડિઝાઇનની વાત કરીએ તો રોકેટ 3નું નવું જીટી વર્ઝન Rocket 3R  બાઇકથી ખુબ અલગ હશે. મહત્વનું છે કે રોકેટ 3 આર ભારતમાં પહેલાથી વેચાણ માટે ઉપલબ્ધ છે. તો જીટી મોડલમાં એડઝેસ્ટેબલ સ્વેપ્ટ-બેક હેન્ડલ અને ફોરવર્ડ-સેટ ફુટપેગ આપવામાં આવશે. તેમાં આરામદાયક સીટો અને વિન્ડસ્ક્રીનની સાથે ABS અને ટ્રેક્શન કંટ્રોલ જેવી સુવિધાઓને પણ જોડવામાં આવી છે. અહીં ધ્યાન આપવા જેવી વાત છે કે આ પાવરફુલ બાઇકમાં બ્રેકિંગ માટે Brembo M4.30 સ્ટાઇલમા 4-પિસ્ટન રેડિયલ કેલિપર આપવામાં આવ્યું છે. આ સાથે બાઇક ચાર રાઇડિંગ મોડ અને ક્રૂઝ કંટ્રોલ વિકલ્પની સાથે લોન્ચ કરવામાં આવી છે.

(4:32 pm IST)
  • પાકિસ્તાનમાં કલાકારોના ઘરનું ડિમોલિશન નથી થતું : મહેરબાની કરી તમારા વિવાદમાં અમારા દેશને ન સંડોવો : કંગના રનૌતની 48 કરોડ રૂપિયાની ઓફિસનું મુંબઈ મહાપાલિકાએ ડિમોલિશન કરતા તેણે મુંબઈની સરખામણી પાકિસ્તાન સાથે કરી હતી : પાકિસ્તાની પત્રકાર મહિલા મેહર તરારે વાંધો ઉઠાવતા વિવાદમાં ફસાઈ access_time 12:34 pm IST

  • આજે બપોરે સેન્‍સેકસ ૬૪૬ પોઈન્‍ટના ઉછાળા સાથે ૩૮,૮૪૦ ઉપર બંધ રહેલ : નીફટીમાં ૧૭૧ પોઈન્‍ટનો મોટો ઉછાળો આવ્‍યો હતો અને ૧૧,૪૪૯ એ બંધ રહ્યો છે : સોનાનો ભાવ ૫૧,૨૨૬ હતો જયારે ચાંદીનો ભાવ ૬૫,૫૭૯ રહ્યાનું સી.કે. ફાયનાન્‍શીયલ્‍સે જણાવ્‍યુ છે access_time 5:54 pm IST

  • ક્રિકેટ જગતના પિતામહ રણજીતસિંહનો આજે જન્મદિવસ : 10 સપ્ટે. 1872 ના રોજ જન્મ થયો હતો : તેમના નામે દેશમાં રણજી ટ્રોફી રમાય છે.અકસ્માતે એક આંખ ગુમાવતા ફર્સ્ટ ક્લાસ ક્રિકેટમાંથી નિવૃત્તિ લીધી હતી access_time 11:45 am IST