Gujarati News

Gujarati News

News of Friday, 11th June 2021

ન્યૂજર્સીના એડિસન મેયર તરીકેની પ્રાઈમરી ચૂંટણીમાં ઇન્ડિયન અમેરિકન શ્રી સેમ જોશી વિજેતા : 5,995 એટલે કે 61.6 ટકા મતો મેળવી નજીકના પ્રતિસ્પર્ધી ઇન્ડિયન અમેરિકન શ્રી મહેશ ભાગીયાને પરાજિત કર્યા

ન્યુજર્સી : ન્યૂજર્સીના એડિસન મેયર તરીકેની પ્રાઈમરી ચૂંટણીમાં ઇન્ડિયન અમેરિકન શ્રી સેમ જોશી વિજેતા થયા છે. 8 જૂનના રોજ યોજાયેલી ડેમોક્રેટિક પાર્ટીની પ્રાઈમરી ચૂંટણીમાં તેમણે 5,995 એટલે કે  61.6  ટકા મતો મેળવી નજીકના પ્રતિસ્પર્ધી ઇન્ડિયન અમેરિકન શ્રી મહેશ ભાગીયાને પરાજિત કર્યા છે.જેઓને 3,185 એટલે કે  32.7 ટકા મતો મળ્યા
હતા.જયારે ત્રીજા હરીફ આર્થર એસ્પોસિટોને 546 એટલે કે  5.6 ટકા મતો મળ્યા હતા.

આખરી ચૂંટણીમાં શ્રી જોશી રિપબ્લિકન ઉમેદવાર ડબલ્યુ કૈથને ટક્કર આપશે.

શ્રી જોશીનો જન્મ અને ઉછેર એડિશનમાં થયા છે.તેઓ એડિશન ટાઉનશીપ કાઉન્સિલમાં વાઇસ પ્રેસિડન્ટ તરીકેનો હોદ્દો ધરાવે છે.તેવું ઈ.વે.દ્વારા જાણવા મળે છે.

(9:15 am IST)
  • કોવિડ મહામારી અને લોકડાઉનથી અર્થતંત્રને ફટકો પડતા તેલંગાણાના મુખ્યમંત્રીએ રાજ્યની મહેસૂલ વધારવા માટે રાજ્ય સરકાર હસ્તકની રૂ .20,000 કરોડની જમીનો વેચવાની પ્રક્રિયા શરૂ કરી છે. વધુ બે રાજ્ય સરકારો પણ નજીકના ભવિષ્યમાં પોતાની લેન્ડ બેંક વેચવાની યોજના બનાવી રહી હોવાનું જાણવા મળે છે. (ન્યૂઝફર્સ્ટ) access_time 11:16 am IST

  • પૂર્વ પોલીસ કમિશ્નર પરમ બીરસિંહને સુપ્રીમ કોર્ટની પડી ફિટકાર : કોર્ટે કહ્યું કે "તમે 30 વર્ષ સુધી મહારાષ્ટ્ર કેડરની સેવા કરી અને હવે કહો કે તમને રાજ્ય પોલીસમાં વિશ્વાસ નથી - આ ખૂબ આઘાતજનક બાબત કહેવાય". સુપ્રિમ કોર્ટે શુક્રવારે મુંબઇના ભૂતપૂર્વ પોલીસ કમિશનર પરમ બીરસિંહે તેમની સામે મહારાષ્ટ્રમાં નોંધાયેલા તમામ ગુનાહિત કેસોને સેન્ટ્રલ બ્યુરો ઓફ ઇન્વેસ્ટિગેશન અથવા અન્ય કોઈ સ્વતંત્ર એજન્સીમાં સ્થાનાંતરિત કરવાની અરજીની સુનાવણી કરવાનો સુપ્રીમ કોર્ટ સાફ ઇનકાર કર્યો access_time 12:49 pm IST

  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST