Gujarati News

Gujarati News

News of Friday, 11th June 2021

રિયલ એસ્ટેટને કોરોનાનો ડંખ

બીજી લહેરમાં ૯૫%એ મકાન ખરીદવાનો નિર્ણય ટાળ્યો

૯૮ ટકા ડેવલપર્સે માન્યુ છે કે ગ્રાહકોની પૂછપરછમાં મોટો ઘટાડો આવ્યો : ૨૦ ટકા સુધી વધી શકે છે મકાનોના ભાવ : નિર્માણનો ખર્ચ પહેલા કરતા ૧૫ ટકા વધ્યો છે

નવી દિલ્હી,તા. ૧૧: રિયલ એસ્ટેટ સંગઠન ક્રેડાઈએ ગઇ કાલે જણાવ્યું કે સંક્રમણના કારણે ૯૫ ટકા ગ્રાહકોએ મકાન ખરીદવાનો પ્લાન ટાળી દીધો છે.

કોરોના મહામારીની બીજી લહેરને રિયલ એસ્ટેટ સેકટર પર ગત વર્ષથી વધારે અસર પડે છે. રિયલ એસ્ટેટ સંગઠન ક્રેડાઈએ ગુરુવારે જણાવ્યું કે સંક્રમણના કારણે ૯૫ ટકા ગ્રાહકોએ મકાન ખરીદવાનો પ્લાન ટાળી દીધો છે. એપ્રિલ બાદથી વેચાણ અને નવી પરિયોજનાઓમાં ઝડપથી ઘટાડો નોંધાઈ રહ્યો છે.  રિયલ એસ્ટેટ સેકટરની ૧૩ હજાર કંપનીઓનું પ્રતિનિધિત્વ કરનારા સંગઠન ક્રેડાઈના અનુસાર ૯૫ ટકા બિલ્ડરોએ લોકડાઉનના કારણે પ્રોજેકટમાં મોડું થવાની આશંકા વ્યકત કરી છે.

ક્રેડાઈના અધ્યક્ષ હર્ષવર્ધન પટોદિયાએ કહ્યુ કે મજૂરોની અછત, અપ્રૂવલમાં મોડુ અને કાચા માલના સપ્લાયમાં સમસ્યા હોવાના કારણે મોટા ભાગના નિર્માણ અટકી ગયા છે. ૯૮ ટકા ડેવલપર્સે માન્યુ છે કે ગ્રાહકોની પૂછપરછમાં મોટો ઘટાડો આવ્યો છે.

ક્રેડાઈએ અનુમાન વ્યકત કર્યુ છે કે સ્ટીલ, સિમેન્ટ વગેરેના ભાવ વધવાથી મકાનોના નિર્માણના ખર્ચમાં વધારો થયો છે. આ કારણે આવનારા કેટલાક સમયમાં મકાનોની કિંમતમાં ૧૦-૨૦ ટકા વધારો જોવા મળી રહ્યો છે.

પટોદિયાએ કહ્યુ કે મકાનના ભાવ વધવાનો મતલબ એ નથી કે બિલ્ડરોની કમાણીમાં વધારો થઈ રહ્યો છે. કેમ કે નિર્માણનો ખર્ચ પહેલા કરતા ૧૫ ટકા વધ્યો છે. સ્ટીલ સીમેન્ટના ભાવ ગત કેટલાક અઠવાડિયામાં ૫૦ ટકા સુધી વધ્યા છે.  તેવામાં સેકટરમાં દબાણમાંથી નિકળવા  માટે રાહત પેકેજની જરૂર છે.

(10:32 am IST)
  • ' જય જગન્નાથ ' : 285 વર્ષમાં પહેલીવાર જગન્નાથજી યાત્રા ભક્તો વિના નીકળશે : રસીકરણ કરાવેલ વોલન્ટિયર્સ જ રથ ખેંચી શકશે : વર્તમાન કોવિદ -19 સંજોગોને ધ્યાને લઇ લેવાયેલો નિર્ણય access_time 11:29 am IST

  • ઉત્તર પ્રદેશમાં ઝડપભેર નવા બનાવો આકાર લઇ રહ્યા છે: આનંદીબેનને મળતા આદિત્યનાથ :અત્યારે રાત્રે મળતા અહેવાલો પ્રમાણે ઉત્તર પ્રદેશના મુખ્યમંત્રી યોગી આદિત્યનાથ ઉત્તર પ્રદેશના રાજ્યપાલ શ્રીમતી આનંદીબેન પટેલને મળવા ગયા છે. ઉત્તર પ્રદેશના પ્રધાનમંડળમાં ઝડપભેર મહત્વના ફેરફારો આવી રહ્યાના સ્પષ્ટ નિર્દેશો મળે છે access_time 9:12 pm IST

  • ઈન્સ્ટીટ્યૂટ ઓફ કિડની ડિસીસ એન્ડ રિસર્ચ સેન્ટર, (IKDRC)અમદાવાદએ નવા ચાર ડાયાલિસિસ કેન્દ્રનો શુભારંભ કર્યો છે. ગાંધીનગર જિલ્લામાં કલોલ, માણસામાં, જામનગરમાં જામજોધપુરમાં અને મોરબીમાં વાંકાનેરમાં ડાયાલિસિસ કેન્દ્ર શરુ કરવામાં આવ્યા છે. આ કેન્દ્ર આરઓ પ્લાન્ટ સુવિધા સાથે 21 અત્યાધુનિક મશીનથી સજ્જ છે. ઉલ્લેખનીય છે કે ગુજરાત ડાયાલિસિસ પ્રોગ્રામ હેઠળ ગુજરાતના ઈએસઆરડી દર્દીઓને નિશુલ્ક ડાયાલિસિસ પ્રદાન કરવામાં આવે છે. ગુજરાત ડાયાલિસિસ પ્રોગ્રામ (જીડીપી) ભારતમાં સૌથી મોટું નેટવર્ક ધરાવે છે. જેમાં 51 કેન્દ્ર ચાલે છે. જે 500 ડાયાલિસિસ મશીનથી સજ્જ છે. અહીં વર્ષમાં 3 લાખથી વધુ ડાયાલિસિસ કરે છે. access_time 9:33 am IST