Gujarati News

Gujarati News

News of Friday, 11th June 2021

પરણિત અને અપરિણીત સ્ત્રી પુરુષ વચ્ચેના લિવ ઈન રિલેશનશિપ સંબંધ માન્ય ન ગણાય : બંને પરણિત અથવા અપરિણીત હોવા જોઈએ : રાજસ્થાન હાઇકોર્ટ

જયપુર : રાજસ્થાન હાઇકોર્ટે તાજેતરમાં આપેલા એક ચુકાદમાં જણાવ્યું છે કે પરણિત અને અપરિણીત સ્ત્રી પુરુષ વચ્ચેના  લિવ ઈન રિલેશનશિપ સંબંધ માન્ય ન ગણાય .

રશિકા ખંડાલ નામક યુવતીએ  કરેલી પિટિશનમાં કોર્ટને જાણવા મળ્યા મુજબ આ યુવતી જે પુરુષ સાથે લિવ ઈન રિલેશનશિપથી રહેતી હતી તે હેમંતસિંહ રાઠોડ પરણિત છે. જયારે યુવતી કુંવારી છે.

આ બંનેના લિવ ઈન રિલેશનશિપ સબંધ એટલા માટે માન્ય રાખી ન શકાય કે બેમાંથી એક વ્યક્તિ પરણિત અને એક અપરણિત છે.

જેના અનુસંધાનમાં જસ્ટિસ પંકજ ભંડારીની સિંગલ જજ બેંચે  સુપ્રિમ કોર્ટનો ચુકાદો ટાંક્યો હતો. જે મુજબ બંને  વ્યક્તિ પરણિત અથવા અપરણિત હોવા જોઈએ . તેમજ લગ્ન કરવા માટેની બંનેની કાયદેસરની ઉંમર હોવી જોઈએ. તેવું બી.એન્ડ  બી.દ્વારા જાણવા મળે છે.

(1:35 pm IST)
  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST

  • ઉત્તર પ્રદેશમાં ઝડપભેર નવા બનાવો આકાર લઇ રહ્યા છે: આનંદીબેનને મળતા આદિત્યનાથ :અત્યારે રાત્રે મળતા અહેવાલો પ્રમાણે ઉત્તર પ્રદેશના મુખ્યમંત્રી યોગી આદિત્યનાથ ઉત્તર પ્રદેશના રાજ્યપાલ શ્રીમતી આનંદીબેન પટેલને મળવા ગયા છે. ઉત્તર પ્રદેશના પ્રધાનમંડળમાં ઝડપભેર મહત્વના ફેરફારો આવી રહ્યાના સ્પષ્ટ નિર્દેશો મળે છે access_time 9:12 pm IST

  • ' જય જગન્નાથ ' : 285 વર્ષમાં પહેલીવાર જગન્નાથજી યાત્રા ભક્તો વિના નીકળશે : રસીકરણ કરાવેલ વોલન્ટિયર્સ જ રથ ખેંચી શકશે : વર્તમાન કોવિદ -19 સંજોગોને ધ્યાને લઇ લેવાયેલો નિર્ણય access_time 11:29 am IST