Gujarati News

Gujarati News

News of Friday, 11th June 2021

હોસ્પિટલમાંથી ડિસ્ચાર્જ થયા દિલીપ કુમાર : પ્રેમ અને સ્નેહ માટે ફેન્સનો માન્યો આભાર

તેઓ પોતાના ઘરે પહોંચ્યા છે. એક્ટરના ટ્વીટર એકાઉન્ટ ઉપર જાણકારી આપી

મુંબઈઃ દિગ્ગજ અભિનેતા દિલીપ કુમારને હોસ્પિટલમાંથી ડિસ્ચાર્જ આપવામાં આવ્યા છે. તેઓ પોતાના ઘરે પહોંચ્યા છે. એક્ટરના ટ્વીટર એકાઉન્ટ ઉપર આ જાણાકરી આપવામાં આવી છે. આ સાથે પ્રેમ અને સ્નેહ માટે પરિવારના મિત્ર ફેસલ ફારુકીએ ફેન્સનો આભાર માન્યો હતો.

બોલિવૂડનાં દિગ્ગજ એક્ટર દિલીપ કુમારને સ્વાસ્થ્ય સંબંધી બીમારીને કારણે મુંબઇની હિન્દુજા હોસ્પિટલમાં દાખલ કરવામાં આવ્યાં હતાં. અહીં તેમનાં ઇલાજ બાદ તેમનાં સ્વાસ્થ્યમાં સુધારો આવ્યો છે. તેથી આજે તેમને હોસ્પિટલમાંથી રજા આપવામાં આવી છે. દિલીપ કુમારને શ્વાસ લેવામાં તકલીફ પડતી તી જેને કારણે રવિવારે (6 જૂન)નાં મુંબઇની હિન્દુજા હોસ્પિટલમાં દાખલ કરવામાં આવ્યાં હતાં. એક્ટરનાં હોસ્પિટલમાં ગયા બાદથી તેનાં ફેન્સ સતત તેમનાં સ્વાસ્થ્ય માટે દુઆઓ કરી રહ્યાં હતાં. આ પહેલાં પણ ખબર હતી કે, તેમને ગુરુવારે હોસ્પિટલમાંથી રજા મળી જશે. પણ એવું થયું ન હતું.

દિલીપ કુમારે બુધવારનાં એક સફળ પ્લ્યૂરલ એસપિરેશનપ્રોસિડ્યૂરમાંથી પસાર થવું પડ્યું હતું. જે બાદ તેમની તબિયતમાં સુધારો આવ્યો હતો. દિલીપ કુમાર કાર્ડિયોલોજિસ્ટ ડો. નિતિન ગોખલે અને પલ્મોનોલોજિસ્ટ ડો જલીલ પારકરની દેખરેખમાં હતાં. સોમવારનાં હોસ્પિટલમાં તેની એક તસવીર સાયરા બાનોની સાથે સામે આવી હતી. જેમાં દિલીપ કુમાર ઘણાં કમજોર નજર આવી રહ્યાં હતાં. જે બાદ ફેન્સને તેમની ચિંતા સતાવવા લાગી હતી.

હોસ્પિટલમાં દાખલ થયા બાદ દિલીપ કુમારનાં નિધનની ખબર પણ સામે આવી હતી. સાયરા બાનોએ તેને ખોટી ગણાવતા ટ્વિટ કરી હતી. દિલીપ કુમારનાં ઓફિશિયલ ટ્વિટર હેન્ડલથી આ ટ્વિટ કરવામાં આવી હતી.

ટ્વિટમાં લખ્યું હતું કે, 'કોઇપણ પ્રકારનાં વ્હોટ્સ એપ ફોરવર્ડ પર વિશ્વાસ ન કરો. સાહબ એકદમ સ્થિર છે. આપનાં દિલથી નિકળેલી દુઆઓ માટે ખુબ ખુબ ધન્યવાદ. ડોક્ટર્સનાં જણાવ્યાં મુજબ, તેઓને 2-3 દિવસની અંદર હોસ્પિટલમાંથી રજા મળી જશે.' આપને જણાવી દઇએ કે દિલીપ કુમારનો જન્મ 11 ડિસેમ્બર 1922નાં પાકિસ્તાનમાં થયો હતો. તેમનું સાચુ નામ યૂસુફ ખાન છે.

(2:05 pm IST)
  • પૂર્વ પોલીસ કમિશ્નર પરમ બીરસિંહને સુપ્રીમ કોર્ટની પડી ફિટકાર : કોર્ટે કહ્યું કે "તમે 30 વર્ષ સુધી મહારાષ્ટ્ર કેડરની સેવા કરી અને હવે કહો કે તમને રાજ્ય પોલીસમાં વિશ્વાસ નથી - આ ખૂબ આઘાતજનક બાબત કહેવાય". સુપ્રિમ કોર્ટે શુક્રવારે મુંબઇના ભૂતપૂર્વ પોલીસ કમિશનર પરમ બીરસિંહે તેમની સામે મહારાષ્ટ્રમાં નોંધાયેલા તમામ ગુનાહિત કેસોને સેન્ટ્રલ બ્યુરો ઓફ ઇન્વેસ્ટિગેશન અથવા અન્ય કોઈ સ્વતંત્ર એજન્સીમાં સ્થાનાંતરિત કરવાની અરજીની સુનાવણી કરવાનો સુપ્રીમ કોર્ટ સાફ ઇનકાર કર્યો access_time 12:49 pm IST

  • RBI મોટો નિર્ણય : એટીએમ ટ્રાન્ઝેક્શન પર ચાર્જ વધાર્યો : એકવાર મફત ટ્રાન્ઝેક્શનની મર્યાદા પૂરી થઈ ગયા પછી, ગ્રાહકોને બીજા દરેક એટીએમ ટ્રાન્ઝેક્શન દીઠ 21 રૂપિયા ચાર્જ લેવામાં આવશે, આ સાથે 01 જાન્યુઆરી 2022 થી આ ચાર્જ પર ટેક્સ પણ વસુલાશે તેમ જાણવા મળે છે. (ન્યૂઝફર્સ્ટ) access_time 8:12 pm IST

  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST