Gujarati News

Gujarati News

News of Friday, 11th June 2021

રસીકરણ બાબતે રાહુલે કેન્દ્ર પર તાકયુ નિશાન

સ્મૃતિ ઇરાનીએ આપ્યો જવાબ

નવી દિલ્હીઃ રાહુલ ગાંધીએ રસીકરણ માટેના ઓનલાઇન રજીસ્ટ્રેશન પર સવાલ ઉઠાવતા કહયું કે જે વ્યકિત રસીકરણ કેન્દ્ર  પર જાય તેને રસી મળવી જોઇએ. રસી માટે ઓનલાઇન રજીસ્ટ્રેશન પુરતુ નથી. જેમની પાસે ઇન્ટરનેટ ન હોય તેમને પણ જીવવાનો અધિકાર છે. આના બે કલાક પછી જવાબમાં સ્મૃતિએ કહયુ, 'બાવળીયા વાવો તો આંબા કયાંથી ઉગે? જે સમજદાર છે તેમણે જરૂર સમજવું જોઇએ. કેન્દ્ર સરકારે રાજયોને રસીકરણ કેન્દ્ર પર રજીસ્ટ્રેશન કરવાની મંજૂરી આપી જ છે. એટલે ભ્રમ ના ફેલાવો, રસી લઇ લો.'

અત્રે ઉલ્લેખનિય છે કે કેન્દ્ર સરકારે ગયા મહિને એક અધિસૂચના જાહેર કરી હતી જેમાં કહેવાયુ હતુ કે ૧૮ થી ૪૪ વર્ષના જે લોકો પાસે સ્માર્ટ ફોન નથી અથવા ઇન્ટરનેટ સુધી પહોંચ નથી, તેઓ રસીકરણ કેન્દ્ર પર જઇને કોવિડ ડીજીટલ પ્લેટફોર્મ પર રજીસ્ટ્રેશન કરાવી શકે છે અને રસી લઇ શકે છે.

(3:26 pm IST)
  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST

  • રાજસ્થાનના કલાકારો માટે ગેહલોત સરકારનો મોટો નિર્ણય : આર્થિક રીતે નબળા કલાકારોની મદદ મળશે : 5 હજાર રૂપિયાની વન-ટાઇમ સહાય આપવામાં આવશે : કલાકાર કલ્યાણ ભંડોળ તરફથી સહાય આપવામાં આવશે : 2 હજાર જરૂરિયાતમંદ કલાકારોને સહાય મળશે access_time 9:44 pm IST

  • ગુજરાતમાં કોરોનાની બીજી લહેર પુરી થવાના આરે - આજે ઘણા મહિને રાજ્યમાં 500ની અંદર નવા કોરોના કેસ નોંધાયા : રાજ્યમાં નવા કોરોના કેસ ઘટીને આજે ફક્ત 481 નોંધાયા અને સામે 1526 દર્દીઓ સાજા થયા : આ સાથે આજે રાજકોટ શહેર - જિલ્લામાં પણ કોરોના થાક્યો : આજે સાંજ સુધીમાં રાજકોટ શહેરમાં 24 અને ગ્રામ્યના 10 કેસ સાથે કુલ ફક્ત 34 નવા કોરોના ના કેસ નોંધાયા : અને સાથે રાજકોટ શહેર - જિલ્લામાં આજે કુલ 41 દર્દીઓ સાજા થયા access_time 7:46 pm IST