Gujarati News

Gujarati News

News of Friday, 11th June 2021

૧૦ વર્ષની બાળકી પર ૭ છોકરાઓએ કર્યો ગેંગરેપ : ૧ વયસ્ક તો ૬ આરોપી ૧૦-૧૨ વર્ષનાઃ ૩ પીડિતાના સંબંધી

રમતા રમતા બાળકો સ્કૂલની બિલ્ડિંગમાં જતા રહ્યા ત્યાં ૭ છોકરાઓએ ૧૦ વર્ષની બાળકીની સાથે ગેંગરેપ કર્યો : ૭ છોકરાઓએ ૧૦ વર્ષની બાળકીની સાથે ગેંગરેપ કર્યો : ૯ જૂને પોલીસમાં એફઆઈઆર નોંધાઈ : રેપનો વીડિયો પીડિત બાળકીના પડોશીએ સોશિયલ મીડિયા પર જોતા ઘટના બહાર આવી : ૭ છોકરાઓએ ૧૦ વર્ષની બાળકીની સાથે ગેંગરેપ કર્યો

રેવાડી, તા.૧૧: હરિયાણાનાં રેવાડીમાં ૨૪ મેએ કેટલાક બાળકો મેદાનમાં રમતા રમતા બાજુમાં રહેલી સ્કૂલની બિલ્ડિંગમાં જતા રહ્યા ત્યાં ૭ છોકરાઓએ ૧૦ વર્ષની બાળકીની સાથે ગેંગરેપ કર્યો.   જોકે આ દ્યટના એક અઠવાડિયા બાદ ત્યારે બહાર આવી જયારે વીડિયો પીડિત બાળકીના પડોશીએ સોશિયલ મીડિયા પર જોયો. તેણે બાળકીના પરિવારને આની જાણકારી આપી. ત્યારે આ વાત પોલીસ સુધી પહોંચી હતી.

બાળકીના પરિવારે ૯ જૂને પોલીસમાં એફઆઈઆર નોંધાવી. રેવાડીના ડીએસપી (હેડકવાર્ટર) હંસરાજે જણાવ્યું કે કેસ મહિલા પોલીસ સ્ટેશનમાં આઈપીસીની કલમ ૩૭૬ ડી, ૩૫૪સી, ૫૦૬, પોકસો, આઈટી એકટ અને એસસી- એસટી એકટ હેઠળ નોંધવામાં આવ્યા છે.

આ ૭ માંથી આરોપીઓમાંથી એક ૧૮ વર્ષનો છે. બાકીના ૧૦ થી ૧૨ વર્ષની વચ્ચે છે. છોકરીના પડોશીએ આ આરોપીઓની વીડિયોના આધારે ઓળખ કરી છે.  હંસરાજે જણાવ્યુ કે જેવો મામલો અમારી સામે આવ્યો અમે આરોપીઓને ઝડપી પાડ્યા છે. આરોપી અને પીડિતા પડોશી હતા.

પોલીસનું કહેવું છે કે છોકરીનું મેડિકલ ચેકઅપ કરવામાં આવ્યું છે. જેમાં છોકરીની સાથે થયેલા ગેંગરેપની પુષ્ટિ થઈ છે. ચોંકાવનારી વાત એ છે કે ૭ આરોપીઓમાંથી ૩ સગીર બાળકીના સંબંધી છે.

આરોપીઓમાંથી ૬ સગીરોને જુવેનાઈલ જસ્ટિસ બોર્ડની  સામે રજૂ કર્યા બાદ સુધારગૃહમાં મોકલી દેવામાં આવ્યા છે. જયારે ૧૮ વર્ષના આરોપીને કોર્ટની સામે રજૂ કર્યા બાદ જિલ્લા જેલમાં મોકલી દેવામાં આવ્યો છે. પોલીસ વીડિયોમાં જોવા મળતા બીજા સગીરને શોધી રહી છે. સાથે જ વીડિયો શેર કરનારાઓની ડિટેલ મેળવવામાં લાગી છે. ડીએસપીએ જણાવ્યું કે વીડિયો શેર કરનારાની શોધ ચાલી રહી છે કેમ કે એવું કરવુ ગુનો છે.  પીડિત બાળકી અને આરોપી છોકરાના પરિવાર જનો એક બીજાને ઓળખે છે અને એક સાથે રેવાડીના એક ગામમાં  રહે છે. જયાં બાળકો રમી રહ્યા હતા. ત્યા બાજુમાં સ્કુલનું બિલ્ડીંગ છે. કોરોના મહામારીના કારણે ત્યાં કલાસ ચાલુ નહોંતા જેથી તે ખાલી હતી.

પોલીસે જણાવ્યુ કે કોઈ પણ બાળકે આ ગુના અંગે કોઈ ચર્ચા નહોંતી કરી. તેમજ પીડિતાએ પણ કોઈને આ અંગે નહોંતુ જણાવ્યુ. આરોપીઓ સામાન્ય દિવસોની જેમ કામ કરવા લાગ્યા તેમની હિંમત એટલી વધી ગઈ તે તેમણે આ વીડિયો શેર કરી દીધો. ૮ જૂને પીડિતાના પડોશીએ આ વીડિયો જોઈને પરિવારને સૂચના આપી.

(3:57 pm IST)
  • ઈન્સ્ટીટ્યૂટ ઓફ કિડની ડિસીસ એન્ડ રિસર્ચ સેન્ટર, (IKDRC)અમદાવાદએ નવા ચાર ડાયાલિસિસ કેન્દ્રનો શુભારંભ કર્યો છે. ગાંધીનગર જિલ્લામાં કલોલ, માણસામાં, જામનગરમાં જામજોધપુરમાં અને મોરબીમાં વાંકાનેરમાં ડાયાલિસિસ કેન્દ્ર શરુ કરવામાં આવ્યા છે. આ કેન્દ્ર આરઓ પ્લાન્ટ સુવિધા સાથે 21 અત્યાધુનિક મશીનથી સજ્જ છે. ઉલ્લેખનીય છે કે ગુજરાત ડાયાલિસિસ પ્રોગ્રામ હેઠળ ગુજરાતના ઈએસઆરડી દર્દીઓને નિશુલ્ક ડાયાલિસિસ પ્રદાન કરવામાં આવે છે. ગુજરાત ડાયાલિસિસ પ્રોગ્રામ (જીડીપી) ભારતમાં સૌથી મોટું નેટવર્ક ધરાવે છે. જેમાં 51 કેન્દ્ર ચાલે છે. જે 500 ડાયાલિસિસ મશીનથી સજ્જ છે. અહીં વર્ષમાં 3 લાખથી વધુ ડાયાલિસિસ કરે છે. access_time 9:33 am IST

  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST

  • સીનીયર ક્લાર્ક માટેની પરીક્ષા ૩૧ જુલાઈએ લેવાશે : ગૌણ સેવા પસંદગી મંડળે સીનીયર ક્લાર્કની પરીક્ષા માટેની તારીખ જાહેર કરી દીધી. હવે ૩૧ જુલાઈએ લેવાશે સીનીયર ક્લાર્ક માટેની પરીક્ષાઓ લેવાશે. અગાઉ ૨૪ જુલાઈનુ આયોજન હતુ પરંતુ હવે તે તારીખ થોડી પાછી લઈ જાય અને ૩૧ જુલાઈ કરવામાં આવી છે. access_time 9:53 pm IST