Gujarati News

મુંબઇ, તા.૧૧: શુક્રવારે સપ્તાહના છેલ્લા ટ્રેડિંગ ડે પર ભારતનું દ્યરેલુ શેરબજાર મજબૂત ઉછાળા સાથે ખુલ્યું હતું અને શરૂઆતના કારોબારમાં ઓલ ટાઇમ હાઈના સ્તરે પહોંચ્યું હતું. બીએસઈ સેન્સેકસ ૨૫૦ અંક એટલે કે ૦.૪૮ ટકા વધીને ૫૨,૫૫૦ પોઇન્ટ પર પહોંચી ગયો છે. જયારે નેશનલ સ્ટોક એકસચેંજનો નિફ્ટી પણ ૧૫,૮૦૦ નો આંક પાર કરી ગયો. બેન્કો, આઈટી અને મેટલ કંપનીઓના શેર્સમાં સૌથી વધુ ફાયદો થયો હતો. ૨:૩૦ કલાકે સેન્સેકસ ૨૨૯ પોઇન્ટ વધીને ૫૨૫૩૦ તથા નીફટી ૬૬ પોઇન્ટ વધીને ૧૫૮૦૪ ઉપર છે.

સેન્સેકસ શેરોમાં પાવરગ્રીડ સૌથી વધુ ૨ ટકા વધ્યો હતો. દેશની સૌથી મૂલ્યવાન કંપની રિલાયન્સ ઇન્ડસ્ટ્રીઝ અને ઓએનજીસીના શેરમાં એક ટકાનો વધારો થયો છે. સેન્સેકસના ૩૦ માંથી ૨૫ શેરમાં માર્કેટ ખૂલતાવેંત તેજી જોવા મળી છે. નિફ્ટીના તમામ ઇન્ડેકસ ગ્રીન ઝોનમાં કારોબાર કરી રહ્યા છે. નિફ્ટી મેટલ ઇન્ડેકસમાં ૧.૫.. ટકાનો સૌથી મોટો ઉછાળો રહ્યો છે. બ્રોડર માર્કેટમાં બીએસઈના મિડકેપ અને સ્મોલકેપ ઇન્ડેકસ અનુક્રમે ૦.૬ ટકા અને ૦.૮ ટકા વધ્યા છે.શુક્રવારે કુલ ૫૭ કંપનીઓ તેમના માર્ચ કવાર્ટરના પરિણામો જાહેર કરશે. તેમાં બીઈએમએલ, ભેલ, સીજી પાવર, કોચિન શિપયાર્ડ, ડીએલએફ અને સન ટીવી શામેલ છે.

શરૂઆતના કારોબારમાં સેન્સેકસમાં પાવરગ્રીડમાં બે ટકાનો ઉછાળો આવ્યો હતો. આ સિવાય રિલાયન્સ ઇન્ડસ્ટ્રીઝ, ઓએનજીસી, એચસીએલ ટેક, સન ફાર્મા, ઇન્ફોસીસ અને એચડીએફસીમાં પણ તેજી જોવા મળી. માર્કન્સ ફાર્મા ૮૩, વેબેગ ૩૫૬ એનબીસી પપ, રિલાયન્સ ૨૨૧૮, પાવરગ્રીડ ૨૪૫, ટીસીએસ ૨૭૬, એચસીસી ૯૮૫ ઉપર છે.

બીજી બાજુ બજાજ ફિનસર્વ, એચયુએલ, બજાજ ફાઇનાન્સ, ટાઇટન અને ટેક મહિન્દ્રા રેડમાં કારોબાર કરી રહ્યા હતા. અગાઉના સત્રમાં સેન્સેકસ ૩૫૮.૮૩ પોઇન્ટ અથવા ૦.૬૯ ટકા વધીને ૫૨,૩૦૦.૪૭ પર હતો અને નિફ્ટી ૧૦૨.૪૦ પોઇન્ટ અથવા ૦.૬૫ ટકા વધીને ૧૫,૭૩૭.૭૫ પર બંધ થયા છે. શેર બજારના કામચલાઉ આંકડા મુજબ ગુરુવારે વિદેશી સંસ્થાકીય રોકાણકારો (એફઆઈઆઈ) એ એકંદર ધોરણે રુ. ૧,૩૨૯.૭૦ કરોડના શેર ખરીદ્યા હતા.

આ દરમિયાન આંતરરાષ્ટ્રીય ઓઇલ બેંચમાર્ક બ્રેન્ટ ક્રૂડ ૦.૫૫ ટકા દ્યટીને ઼ ૭૨.૧૨ ડોલરના સ્તરે કારોબાર કરી રહ્યો છે.