Gujarati News

Gujarati News

News of Friday, 11th June 2021

કોરોનાકાળમાં નવી આફત

ચાર મહિનાના ૧૮ દિવસ મુંબઇગરાઓ માટે ભારે !

બુધવારથી શરૂ થયેલ વરસાદે માંડ માંડ કોરોનાની થપાટથી ઉભા થયેલા મુંબઇના જનજીવનને પાછું અસ્તવ્યસ્ત કર્યુ

મુંબઈ,તા.૧૧: સામાન્ય રીતે મુંબઈમાં વરસાદનું આગમન ૧૦ જૂનના રોજ થતું હોય છે. આ વખતે ચોમાસાએ એક દિવસ પહેલા જ એન્ટ્રી કરી નાખી. બુધવાર સવારથી શરૂ થયેલા વરસાદે માંડ માંડ કોરોનાની થપાટથી ઊભા થયેલા મુંબઈના જનજીવનને પાછું અસ્તવ્યસ્ત કરી નાખ્યું. વારસાદનો આ સિલસિલો ગુરુવારે મુંબઈની આજુબાજુના કેટલાક વિસ્તારોમાં પણ જોવા મળ્યો.

કેટલીક જગ્યાએ છૂટો છવાયો વરસાદ પણ પડ્યો. હવામાન વિભાગે ચોમાસા દરમિયાન સમુદ્રમાં ઉઠનારી ઊંચી લહેરોથી મુંબઈકરોને અત્યારથી જ ચેતવ્યા છે. લોકડાઉન બાદ ધીરે ધીરે ખુલી રહેલા મુંબઈમાં લોકો વરસાદની મજા માણવા માટે સમુદ્ર કિનારે જવા લાગ્યા છે. આવામાં તેઓ હાઈ ટાઈડની ઝપેટમાં ન આવે, તે માટે હવામાન ખાતાએ અલર્ટ બહાર પાડી છે.  રિપોર્ટ મુજબ મુંબઈગરાઓ માટે ચોમાસાના ૪ મહિનામાં ૧૮ દિવસ જોખમભર્યા રહેશે. જેમાંથી ૬ દિવસ તો ફક્ત જૂન મહિનામાં જ છે.

જ્યારે ૧૨ દિવસમાંથી જુલાઈમાં ૫ દિવસ, ઓગસ્ટમાં ૫ દિવસ અને સપ્ટેમ્બરમાં ૨ દિવસ છે. હાઈ ટાઈડ દરમિયાન બીએમસી પમ્પિંગ સ્ટેશનોના ફ્લડ ગેટ બંધ કરી દે છે. આ દરમિયાન જો ભારે વરસાદ પડે તો મુંબઈના રસ્તાઓ પર જમા થયેલા પાણીના નિકાલ માટે પણ વ્યવસ્થા નથી જેનાથી મુંબઈમાં પૂરની સ્થિતિ પેદા થઈ જાય છે.  ૨૫ અને ૨૬ જૂનના રોજ હાઈ ટાઈડના સમયે સમુદ્રમાં લહેરોની ઊંચાઈ ૪.૮૫ મીટર રહેશે. જ્યારે અન્ય ૧૬ દિવસોમાં સમુદ્રમાં લહેરોની ઊંચાઈ ૪.૫૫ મીટરથી ૪.૭૭ મીટર રહેશે. આ વર્ષે સમય પહેલા ચોમાસુ બેસી જતા જૂન મહિનામાં રેકોર્ડબ્રેક વરસાદ નોંધાયો છે. ત્રણ દાયકામાં બુધવાર અને ગુરુવાર વચ્ચે જૂન મહિનામાં ૨૪ કલાક વરસાદ વરસ્યો જે બીજીવાર સૌથી વધુ વરસાદ નોંધાયો. આ દરમિયાન હવામાન ખાતાએ અહીં ૨૩૧ મિમી વરસાદ નોંધ્યો. આ અગાઉ ૧૯૯૧માં ૧૦ જૂનના રોજ મુંબઈમાં ૩૯૯ મિમી વરસાદ વરસ્યો હતો.

મુંબઈ અને તેની આજુબાજુના વિસ્તારોમાં આગામી ૫ દિવસ સુધી ભારે વરસાદની સંભાવના જોતા ઓરેન્જ એલર્ટ જાહેર કરાયું છે.  આઈએમડીના જણાવ્યાં મુજબ આગામી ૫ દિવસ સુધી મુંબઈમાં ભારે વરસાદની સંભાવના છે. મુંબઈ ઉપરાંત થાણે, પાલઘર, રાયગઢ અને કોંકણમાં પણ આગામી દિવસોમાં વરસાદની સંભાવના જોતા ઓરેન્જ અલર્ટ જાહેર કરાયું છે. પ્રાદેશિક હવામાન વિભાગના અધિકારી જયંત સરકારે જણાવ્યું કે દક્ષિણ પશ્ચિમ ચોમાસાએ સમગ્ર મહારાષ્ટ્રમાં દસ્તક આપી દીધી છે.

(4:06 pm IST)
  • કોવિડ મહામારી અને લોકડાઉનથી અર્થતંત્રને ફટકો પડતા તેલંગાણાના મુખ્યમંત્રીએ રાજ્યની મહેસૂલ વધારવા માટે રાજ્ય સરકાર હસ્તકની રૂ .20,000 કરોડની જમીનો વેચવાની પ્રક્રિયા શરૂ કરી છે. વધુ બે રાજ્ય સરકારો પણ નજીકના ભવિષ્યમાં પોતાની લેન્ડ બેંક વેચવાની યોજના બનાવી રહી હોવાનું જાણવા મળે છે. (ન્યૂઝફર્સ્ટ) access_time 11:16 am IST

  • પૂર્વ પોલીસ કમિશ્નર પરમ બીરસિંહને સુપ્રીમ કોર્ટની પડી ફિટકાર : કોર્ટે કહ્યું કે "તમે 30 વર્ષ સુધી મહારાષ્ટ્ર કેડરની સેવા કરી અને હવે કહો કે તમને રાજ્ય પોલીસમાં વિશ્વાસ નથી - આ ખૂબ આઘાતજનક બાબત કહેવાય". સુપ્રિમ કોર્ટે શુક્રવારે મુંબઇના ભૂતપૂર્વ પોલીસ કમિશનર પરમ બીરસિંહે તેમની સામે મહારાષ્ટ્રમાં નોંધાયેલા તમામ ગુનાહિત કેસોને સેન્ટ્રલ બ્યુરો ઓફ ઇન્વેસ્ટિગેશન અથવા અન્ય કોઈ સ્વતંત્ર એજન્સીમાં સ્થાનાંતરિત કરવાની અરજીની સુનાવણી કરવાનો સુપ્રીમ કોર્ટ સાફ ઇનકાર કર્યો access_time 12:49 pm IST

  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST