Gujarati News

Gujarati News

News of Friday, 11th June 2021

ભારતીય શેરબજારમાં બલ્લે બલ્લે :સેન્સેક્સ-નિફટી ઓલ ટાઈમ હાઈ સપાટીએ : રોકાણકારોની બખ્ખા

રોકાણકારોની નેટવર્થમાં 1.29 લાખ કરોડો વધારો, BSE લિસ્ટેડ ફર્મોની માર્કેટ કેપ 231.52 લાખ કરોડ થઇ

મુંબઈ : ભારતીય શેરબજારમાં તેજી જોવાઈ છે સપ્તાહના અંતે સેન્સેક્સ 17 પોઇન્ટ વધીને 52,474 અને નિફટી પણ 61.62 પોઇન્ટ વધી 15,799 પર બંધ રહ્યા હતા. શેરબજારમાં સકારાત્મક વૈશ્વિક સંકેતોને કારણે ઉછાળો જોવા મળ્યો.

સેન્સેક્સે આજે સર્વોચ્ચ સપાટી 52,641.53 કૂદાવી હતી. અગાઉ આ વર્ષે ફેબ્રુઆરીમાં જ સેન્સેક્સે 52,516ની સર્વોચ્ચ સપાટી પ્રાપ્ત કરી હતી. જ્યારે નાણાંમંત્રી નિર્મલા સીતારમણના ત્રીજા બજેટ વખતે પહેલી ફેબ્રુઆરીએ નિફટીએ 15,431ની ઓલટાઇમ હાઇ સપાટી પ્રાપ્ત કરી હતી.આજે બીએસઇમાં લિસ્ટેડ કંપનીઓની માર્કેટ કેપમાં 231.52 લાખ કરોડ થઇ. જ્યારે રોકાણકારોની નેટવર્થ 1.29 લાખ કરોડ વધી હતી.

આજે સવારે સેન્સેકસ 52,477.19 પોઇન્ટ પર ખુલ્યો હતો. ગઇ કાલે 52,300.47 પોઇન્ટે બંધ રહ્યો હતો. જ્યારે નિફ્ટની ઓલટાઇમ હાઇ સપાટી 15,835.55 પોઇન્ટ છે. તે આજે 15,796.45એ ખુલ્યો હતો. જ્યારે ગઇ કાલે ગુરુવારે 15,735.75 પોઇન્ટ બંધ રહ્યો હતો.

બીએસઇ સેન્સેક્સમાં ડો.રેડ્ડી લેબ્સ, પાવર ગ્રીડ કોર્પ, TCS,જેએસડબ્લ્યુ, કોલ ઇન્ડિયા, હિન્ડાલ્કો, ઈન્ફોસિસ, HCL ટેક સહિતના શેર વધીને બંધ રહ્યાં હતા. ડો.રેડ્ડી લેબ્સ 3.03 ટકા વધીને 5451.20 પર બંધ રહ્યો હતો. પાવર ગ્રીડ કોર્પ 1.97 ટકા વધીને 5451.20 પર બંધ રહ્યો હતો. જયારે ડિવિસ લેબ, એક્સિસ બેન્ક લાર્સન એન્ડ ટૂબ્રો, ઈન્ડસઈન્ડ બેન્ક, બજાજ ફિનસર્વ, ભારતી એરટેલ, ICICI બેન્ક સહિતના શેર્સના ભાવમાં ઘટાડો નોંધાયો હતો.

સેક્ટોરિયલ શેર પર નજર કરીએ તો આજે ઓટો, ફાર્મા, આઇટી અને મેટલના શેર્સ વધ્યા. જ્યારે ફાઇનાન્સ, બેન્ક, રિયલ્ટી, એફએમસીજી અને મીડિયાના શેરોમાં ઘટાડો નોંધાયો.

જાપાનના નિક્કેઈમાં 0.02 ટકાનો સામાન્ય ઘટાડો નોંધાયો છે. ચીનનો શંઘાઈ કમ્પોઝિટ 0.54 ટકા ઘટીને બંધ થયો. હોંગકોંગના હેંગસેંગમાં 0.52 ટકા તેજી રહી. કોરિયાના કોસ્પીમાં 0.77 ટકા ઉઠાળો આવ્યો. ઓસ્ટ્રેલિયાનો ઓલ ઓર્ડિનરીઝ 0.24 ટકા વધીને બંધ થયો.

ગુરુવારે અમેરિકાના બજાર તેજી સાથે બંધ થયા હતા. નાસ્ડેકમાં 0.78 ટકાનો ઉછાળો આવ્યો હતો. S&P 500 ઈન્ડેક્સ 0.47 ટકાની તેજી સાથે બંધ થયો હતો. ડાઉ જોન્સમાં 0.06 ટકાનો સામાન્ય વધારો રહ્યો હતો. યુરોપના મહત્વના શેરબજારોમાં તેજી છે. બ્રિટનનો FTSE લગભગ 60 ટકા ઉછળો છે. ફ્રાન્સના CACમાં 50 ટકા જ્યારે જર્મનીના DAXમાં 0.20 ટકાની મજબૂતાઈ છે.

(6:25 pm IST)
  • રાજસ્થાનના કલાકારો માટે ગેહલોત સરકારનો મોટો નિર્ણય : આર્થિક રીતે નબળા કલાકારોની મદદ મળશે : 5 હજાર રૂપિયાની વન-ટાઇમ સહાય આપવામાં આવશે : કલાકાર કલ્યાણ ભંડોળ તરફથી સહાય આપવામાં આવશે : 2 હજાર જરૂરિયાતમંદ કલાકારોને સહાય મળશે access_time 9:44 pm IST

  • પૂર્વ પોલીસ કમિશ્નર પરમ બીરસિંહને સુપ્રીમ કોર્ટની પડી ફિટકાર : કોર્ટે કહ્યું કે "તમે 30 વર્ષ સુધી મહારાષ્ટ્ર કેડરની સેવા કરી અને હવે કહો કે તમને રાજ્ય પોલીસમાં વિશ્વાસ નથી - આ ખૂબ આઘાતજનક બાબત કહેવાય". સુપ્રિમ કોર્ટે શુક્રવારે મુંબઇના ભૂતપૂર્વ પોલીસ કમિશનર પરમ બીરસિંહે તેમની સામે મહારાષ્ટ્રમાં નોંધાયેલા તમામ ગુનાહિત કેસોને સેન્ટ્રલ બ્યુરો ઓફ ઇન્વેસ્ટિગેશન અથવા અન્ય કોઈ સ્વતંત્ર એજન્સીમાં સ્થાનાંતરિત કરવાની અરજીની સુનાવણી કરવાનો સુપ્રીમ કોર્ટ સાફ ઇનકાર કર્યો access_time 12:49 pm IST

  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST