Gujarati News

Gujarati News

News of Friday, 11th June 2021

ફેસબુક, વોટસએપ અને ઇન્સ્ટાગ્રામ ઠપ્પ : ભારત સહીત દુનિયાના ઘણા દેશોના યુઝર્સને મુશ્કેલી

અડધા કલાક બાદ જ્યારે વોટ્સએપ અને ઇન્સ્ટાગ્રામ સર્વિસ ચાલું થઇ

નવી દિલ્હી : સોશિયલ મીડિયા પ્લેટફોર્મ ફેસબુક. વોટસએપ અને ઇન્સ્ટાગ્રામએ  શુક્રવારે અચાનક કામ કરવાનું બંધ કરી દીધું, આ સર્વિસ ડાઉન થવાથી ભારત સહિત દુનિયાનાં ઘણા દેશોમાં યુઝર્સને મુશ્કેલી સહન કરવી પડી, લગભગ અડધો કલાક આ સોશિયલ મિડિયા પ્લેટફોર્મ બંધ રહ્યા, જોત જોતામાં ફરિયાદો શરૂ થઇ ગઇ.

ટ્વિટર પર લોકોએ આ અંગે ફરિયાદોનો મારો ચલાવ્યો, અને આ દિવસ સોશિયલ મિડિયાનો બ્લેક ફ્રાઇડે બની ગયો, જો કે અડધા કલાક બાદ જ્યારે વોટ્સએપ અને ઇન્સ્ટાગ્રામ સર્વિસ ચાલું થઇ ત્યારે લોકોએ રાહતનો શ્વાસ લીધો.

ફેસબુકની આ તમામ એપ્સમાં સમસ્યા ભારતીય સમય અનુસાર રાત્રે 11.05 મિનિટથી શરૂ થઇ ગઇ, જો કે કંપની તરફથી કોઇ સ્ટેટમેન્ટ આવ્યું નથી. WhatsApp અને Instagram અડધો કલાક બંધ રહ્યા હતાં, જો કે ફેશબુક એપની અન્ય સર્વિસ કામ કરી રહી હતી, જો કે WhatsApp અને Instagram મોટાભાગનાં યુઝર્સ માટે સંપુર્ણ બંધ રહ્યા.

WhatsApp, Facebook અને Instagramની સર્વિસ રાત્રે લગભગ 12 વાગ્યે ચાલું થઇ હતી  આ ત્રણેય સોશિયલ મિડિયા પ્લેટફોર્મનાં માલિક માર્ક ઝકરબર્ગ છે, ત્રણેય એક સાથે ડાઉન થવાથી ટ્વિટર પર માર્ક ઝકરબર્ગ ટ્રેંડ થવા લાગ્યું.

(7:06 pm IST)
  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST

  • પૂર્વ પોલીસ કમિશ્નર પરમ બીરસિંહને સુપ્રીમ કોર્ટની પડી ફિટકાર : કોર્ટે કહ્યું કે "તમે 30 વર્ષ સુધી મહારાષ્ટ્ર કેડરની સેવા કરી અને હવે કહો કે તમને રાજ્ય પોલીસમાં વિશ્વાસ નથી - આ ખૂબ આઘાતજનક બાબત કહેવાય". સુપ્રિમ કોર્ટે શુક્રવારે મુંબઇના ભૂતપૂર્વ પોલીસ કમિશનર પરમ બીરસિંહે તેમની સામે મહારાષ્ટ્રમાં નોંધાયેલા તમામ ગુનાહિત કેસોને સેન્ટ્રલ બ્યુરો ઓફ ઇન્વેસ્ટિગેશન અથવા અન્ય કોઈ સ્વતંત્ર એજન્સીમાં સ્થાનાંતરિત કરવાની અરજીની સુનાવણી કરવાનો સુપ્રીમ કોર્ટ સાફ ઇનકાર કર્યો access_time 12:49 pm IST

  • ઉત્તર પ્રદેશમાં ઝડપભેર નવા બનાવો આકાર લઇ રહ્યા છે: આનંદીબેનને મળતા આદિત્યનાથ :અત્યારે રાત્રે મળતા અહેવાલો પ્રમાણે ઉત્તર પ્રદેશના મુખ્યમંત્રી યોગી આદિત્યનાથ ઉત્તર પ્રદેશના રાજ્યપાલ શ્રીમતી આનંદીબેન પટેલને મળવા ગયા છે. ઉત્તર પ્રદેશના પ્રધાનમંડળમાં ઝડપભેર મહત્વના ફેરફારો આવી રહ્યાના સ્પષ્ટ નિર્દેશો મળે છે access_time 9:12 pm IST