Gujarati News

Gujarati News

News of Monday, 12th April 2021

મહારાષ્ટ્રમાં ખુરશી ઉપર ઓક્સિજન આપવો પડે છે

દેશમાં સૌથી વધુ ખરાબ સ્થિતિ મહારાષ્ટ્રની

નવી દિલ્હી, તા. ૧૨ : ગુજરાતનુ પાડોશી રાજ્ય મહારાષ્ટ્ર પણ કોરોનાના કહેરના કારણે બેહાલ થઈ ગયુ છે. અહીંની હોસ્પિટલોમાં પણ જગ્યાના અભાવે દર્દીઓને ખુરશી પર બેસાડીને ઓક્સિજન અપાતો હોવાના દ્રશ્યો જોવા મળ્યા છે.

મહારાષ્ટ્રમાં કોરોનાના સૌથી વધારે દર્દીઓ સામે આવી રહ્યા છે. સંજોગોમાં હવે હોસ્પિટલોમાં બેડની અછત સર્જાઈ રહી છે.ઉસ્માનબાદમાં તો પલંગોની જગ્યાએ દર્દીઓને ખુરશી પર બેસાડીને ઓક્સિજન સપોર્ટ આપવામાં આવી રહ્યો છે.દર્દીઓની હાલત બદતર છે.કેટલાકને તો વ્હીલ ચેર પર બેસાડવામાં આવ્યા છે.

દેશના કુલ કોરોના કેસમાં મહારાષ્ટ્રનો ફાળો ૪૮ ટકા છે. મહારાષ્ટ્ર દેશના સૌથી પ્રભાવિત રાજ્યો પૈકીનુ એક છે. અહીંયા વિકેન્ડ લોકડાઉન લાગુ કરાયુ છે. જોકે કોરોનાના દર્દીઓની સંખ્યા વધતી રહી છે.છેલ્લા ૨૪ કલાકમાં એકલા મહારાષ્ટ્રમાં ૬૩૦૦૦ નવા દર્દીઓ સામે આવ્યા છે.

(7:44 pm IST)
  • ૨૮-૨૯ની ઓખા-નાથદ્વારા ટ્રેન બંને તરફે રદ્દ : રાજકોટઃ અજમેર ડિવીઝનના માલવી સ્ટેશન પાસે નોન ઇન્ટરલોકીંગ કામના કારણે ઍન્જીનિયરીંગ બ્લોક કરવામાં આવવાનું હોવાથી તા.૨૮મી અને તા.૨૯મીની ઓખા-નાથદ્વારા ટ્રેન બંને તરફે રદ્દ રહેશે તેવું ડીસીઍમ અભિનવ જૈફઍ જણાવ્યુ છે access_time 4:53 pm IST

  • મહારાષ્‍ટ્રમાં ધો.૧૦ અને ૧૨ બોર્ડની પરીક્ષા મુલત્‍વી રહી : વિદ્યાર્થીઓનું આરોગ્‍ય એ જ અમારી પ્રાથમિકતા : મહારાષ્‍ટ્ર સ્‍ટેટ બોર્ડની ધો.૧૦ અને ૧૨ની પરીક્ષાઓ કોવિડ મહામારીના પ્રકોપને લઈને ઉદ્ધવ ઠાકરે સરકારે મુલત્‍વી રાખી : કહ્યુ કે તમારૂ આરોગ્‍ય એ જ અમારી સર્વોચ્‍ચ પ્રાથમિકતા access_time 5:04 pm IST

  • મહારાષ્ટ્રમાં લોકડાઉન લગભગ નક્કી : રાજ્યની કોરોના ટાસ્ક ફોર્સની આજની બેઠક પુરી થયા બાદ મંત્રી અસલમ શેખે જણાવ્યું છે કે "બેઠકમાં સામેલ બધાનો મત રાજ્યમાં લોકડાઉન લાદવાનો છે અને આ બારામાં SOP અને ગાઈડલાઈન મુદ્દે હવે ચર્ચા કરવામાં આવશે." access_time 8:34 pm IST