Gujarati News

બાડમેરઃ ઉંટોની તસ્કરી અને બહાર લઇ જવાની રોક અને ઉપયોગીતામાં કમી આવવાથી રાજસ્થાનમાં રણના જહાજના અસ્તીત્વ ઉપર સંકટ આવવા લાગ્યુ છે. ઉંટોના વધ ઉપર અંકુશ માટે રાજયમાં કાર્યો લાગુ થવા છતા તસ્કરી રોકાઇ નથી રહી.

તસ્કરીના કારણે હવે તેમના અસ્તિત્વ ઉપર જોખમ ઉભુ થયું છે. હાલમાં જ ધરપકડ કરાયેલ તસ્કરો પાસેથી માહીતી મળેલ કે હરીયાણાના રસ્તે રાજસ્થાનના ઉંટ બહાર જઇ રહયા છે. તસ્કરો ઉંટોને પશુમેળામાંથી ખરીદી કરી તસ્કરી કરે છે. ત્યાર બાદ તેઓ હરીયાણામાં પ્રવેશી જાય છે.

ઉંટોનો ઉપયોગ ઘટવાના મુખ્ય કારણોમાં ઉંટોનો ખેતીમાં ઉપયોગ ન થવો, પરીવહનના સાધનમાં ઘટાડો, રાજય પશુનો દરજ્જો મળ્યા છતા સંરક્ષણ નથી અને ઉંટ પાલકો પણ ઉંટોને છુટા મુકી દે છે તે મુખ્ય કારણ છે.