Gujarati News

Gujarati News

News of Wednesday, 12th May 2021

વિદેશમાં વેક્સીન કેમ મોકલી ? વિપક્ષના આક્ષેપ પર ભાજપે કહ્યું-પાડોશી દેશોને સુરક્ષિત કરવા પણ આપણી જવાબદારી

પહેલી મદદના રૂપમાં માત્ર 1 કરોડ વેક્સીન મોકલી બાકી 5 કરોડથી વધારે વેક્સીન દાયિત્વના રૂપામાં મોકલી : પડોશના 7 દેશોમાં 78.5 લાખ વેક્સીનના ડોઝ મદદના રૂપમાં અને બાકીના 2 લાખ ડોઝ UN પીસ કીપિંગ ફોર્સને આપ્યા

નવી દિલ્હી : કોરોના વાયરસની બીજી લહેરમાં ભારતમાં નવા કેસોની સંખ્યામાં ઝડપથી વધારો થયો છે અને તેની સાથે જ પહેલી લહેરની તુલનામાં કોરોના મોતનો ગ્રાફ પણ વધ્યો છે. કોરોના મહામારીના આ સમયમાં વિપક્ષે આરોપ લગાવ્યો છે કે આવા સમયમાં જ્યારે દેશ વેક્સીનની અછતને લઇ સંઘર્ષ કરી રહ્યો છે, સરકાર વિદેશોમાં વેક્સીન મોકલી રહી છે.

આ મુદ્દા પર ભારતીય જનતા પાર્ટીના પ્રવક્તા સંબીત પાત્રાએ જવાબ આપ્યો છે. પાત્રાએ કહ્યું કે ભારત તરફથી પાડોશી દેશોને મદદ માટે વેક્સીન મોકલવામાં આવી કારણ કે પાડોશી દેશોને સુરક્ષિત કરવા પણ આપણી જવાબદારી છે. સંબિતે આરોપ લગાવ્યો છે કે વેક્સીનને લઇ કોંગ્રેસ પાર્ટી સતત ભ્રમ પેદા કરવાની કોશિશ કરી રહી છે.

ભાજપા પ્રવક્તાએ કહ્યું, ગઇકાલ સુધીમાં લગભગ 6.63 કરોડ વેક્સીન ભારત બહાર મોકલવામાં આવી હતી. એવા સવાલ થઇ રહ્યા છે કે દેશની બહાર વેક્સીન શા માટે મોકલવામાં આવી રહી છે. આ વેક્સીન બે કેટેગરીમાં મોકલવામાં આવી છે. પહેલી મદદના રૂપમાં માત્ર 1 કરોડ વેક્સીન મોકલી છે. બાકી 5 કરોડથી વધારે વેક્સીન દાયિત્વના રૂપામાં મોકલવામાં આવી છે. પડોશના 7 દેશોમાં અમે 78.5 લાખ વેક્સીનના ડોઝ મદદના રૂપમાં મોકલ્યા છે. બાકીના 2 લાખ ડોઝ UN પીસ કીપિંગ ફોર્સને આપ્યા છે કારણ કે 6000થી વધુ આપણા દેશના જવાનો જુદા જુદા દેશોમાં પીસ કીપિંગ માટે કામ કરી રહ્યા છે.

  અત્રે ઉલ્લેખનીય છે કે કોરોના મહામારીની બીજી લહેરે ભારતનું સ્વાસ્થ્ય માળખું ખરાબ રીતે પ્રભાવિત કર્યું છે. બેડ અને ઓક્સિજનની અછતથી હોસ્પિટલો સંઘર્ષ કરી રહી છે. કોરોના વેક્સીનેશન કેન્દ્રો પર લોકોની લાંબી લાઇનો લાગી રહી છે. ઘણાં રાજ્યો પાસે વેક્સીનનો સ્ટોક ક્યાં તો ખતમ થઇ ગયો છે કે ખતમ થવા આવ્યો છે. આ કારણે 18 થી 45 વર્ષની ઉંમરના લોકો માટે વેક્સીનેશનના કાર્યક્રમને જોઇએ એવી ગતિ મળી રહી નથી.

(12:31 am IST)
  • કેન્દ્ર સરકારને આડે હાથે લેતા, કોરોના રસીકરણ અંગે બોમ્બે હાઈકોર્ટે બુધવારે કહ્યું હતું કે, જો કેન્દ્ર સરકારે કેટલાક મહિના પહેલા વરિષ્ઠ નાગરિકો માટે ડોર-ટુ-ડોર રસીકરણ શરૂ કર્યું હોત, તો ઘણા જાણીતા વ્યક્તિઓ સહિત અનેક લોકોનો જીવ બચાવી શકાયો હતો. મુખ્ય ન્યાયાધીશ દિપાંકર દત્તા અને ન્યાયાધીશ જી.એસ. કુલકર્ણીની ખંડપીઠે કેન્દ્રને કહ્યું હતું કે, જ્યારે રસીકરણ કેન્દ્રોની મુલાકાત લેવામાં અસમર્થ વરિષ્ઠ નાગરિકોના જીવનનો પ્રશ્ન છે, ત્યારે ડોર-ટુ-ડોર રસીકરણ કાર્યક્રમ કેમ શરૂ કરાયો નથી? access_time 9:42 pm IST

  • કેટલાક રાજ્યો દ્વારા કોવિડ -19 રસીની અછતનાં અહેવાલો વચ્ચે સીરમ ઇન્સ્ટિટ્યૂટ અને ભારત બાયોટેકે આગામી ચાર મહિના માટે તેમની પ્રોડક્શન યોજના કેન્દ્રમાં સુપરત કરી છે. સત્તાવાર સૂત્રોએ બુધવારે જણાવ્યું હતું કે બન્ને કંપનીઓએ માહિતી આપી છે કે અનુક્રમે સીરમ ઇન્સ્ટિટ્યૂટ 10 કરોડ અને ભારત બાયોટેક 7.8 કરોડ રસીના ડોઝનું તેમનું ઉત્પાદન ઓગસ્ટ સુધીમાં વધારી દેશે. access_time 10:00 pm IST

  • હવે ૨ વર્ષ થી વધારે વયના બાળકોનું થશે કોરોના રસિકરણ : ભારત બાયોટેક (કોવેક્સીન)ને ક્લીનીકલ ટ્રાયલની મંજૂરી આપતું ડ્રગ રેગ્યુલેટરી ઓથોરિટી આ ક્લિનીકલ ટ્રાયલ ૫૨૫ બાળકો ઉપર એઈમ્સ દિલ્હી , એઈમ્સ પટણા, એમ.આઈ.એમ.એસ. હોસ્પીટલ નાગપુર ખાતે કરવામાં આવશે. access_time 11:00 am IST