Gujarati News

પુણે,તા. ૧૩:  બે યુવતીઓ કિસ કરી રહી હતી, તે દરમિયાન વૃદ્ધ મહિલાએ ટોકતા દાંત તોડી દીધા હોવાની ઘટના સામે આવી છે. મળતી માહિતી પ્રમાણે મહારાષ્ટ્રના પુણેમાં એક ૬૪ વર્ષીય મહિલાને નિર્દય રીતે માર મારવામાં આવી. આ મહિલાને બીજા કોઈએ નહીં, પરંતુ ડિએડિક્‍શન સેન્‍ટરની ચાર યુવતીઓએ માર માર્યો હતો. મહિલાએ જણાવ્‍યું કે, તેણે બે છોકરીઓને કિસ કરતા જોઇ હતી. મહિલાએ ટોકતા તેને જોરદાર માર મારવામાં આવ્‍યો હતો.

પોલીસ પાસેથી પ્રાપ્ત માહિતી અનુસાર આ ઘટના ચાર મહિના પહેલા ક્રિપા ફાઉન્‍ડેશનના વ્‍યસન મુક્‍તિ કેન્‍દ્રમાં બની હતી. ફરિયાદી કેન્‍દ્રની કેર ટેકર હતી. મહિલાએ બે છોકરીઓને ચુંબન કરતી જોઇ તો ફરિયાદ લઈને મેનેજર પાસે ગઈ હતી. ફરિયાદ પર કાર્યવાહી કરવાને બદલે મેનેજરે બે કાઉન્‍સીલર અને એક દર્દી સાથે મળીને જોરદાર ફટકારી હતી.

મહિલાનું કહેવું છે કે આ ઘટના બાદ તે ડરી ગઈ હતી અને મુંબઈ જતી રહી હતી. તેને એટલી મારવામાં આવી હતી કે તેના દાંત પણ તૂટી ગયા હતા. ગંભીર રીતે ઈજાગ્રસ્‍ત મહિલાએ મુંબઈમાં સારવાર કરાવી હતી અને બાદમાં તે ફરી શહેરમાં આવી હતી અને શનિવારે સિંહગઢ પોલીસ સ્‍ટેશન (પીએસ)માં ચારેય મહિલાઓ વિરુદ્ધ કેસ દાખલ નોંધાવ્‍યો હતો.

પ્રાપ્ત માહિતી અનુસાર આ ઘટના ૧૯ ફેબ્રુઆરીના રોજ સાંજે ૫.૩૦ વાગ્‍યે હિંગ્ને ખુર્દના સિંહગઢ રોડ સ્‍થિત કૃપા ફાઉન્‍ડેશનના વ્‍યસન મુક્‍તિ કેન્‍દ્રમાં સ્‍થિત પાપલ સેમિનારી વિલામાં બની હતી. આ કેસમાં પોલીસે મહિલાની ફરિયાદના આધારે વિવિધ કલમો હેઠળ ગુનો નોંધ્‍યો છે. સિંહગઢ રોડ પોલીસ સ્‍ટેશનના પોલીસ સબ ઇન્‍સ્‍પેક્‍ટર પ્રતિભા ટંડેલે જણાવ્‍યું હતું કે, આ મામલાની તપાસ કરવામાં આવી રહી છે.