Gujarati News

ન્યુદિલ્હી : સુપ્રીમ કોર્ટ અને હાઈકોર્ટમાં સામાજિક વિવિધતાનો અભાવ જોવા મળી રહ્યો છે  તેવો પત્ર તમિલનાડુના સાંસદ પી વિલ્સનએ  કાયદા મંત્રી કિરણ રીજ્જુને લખ્યો હતો.જેમાં રજુઆત કરાઈ હતી કે ન્યાયાધીશોની નિમણૂક માટે દરખાસ્ત મોકલતી વખતે SC/ST, OBC, લઘુમતીઓ, તથા મહિલા ઉમેદવારોને ધ્યાનમાં લેવા જોઈએ જેના અનુસંધાને કાયદા મંત્રીએ કોલેજીયમને ભલામણ કરી છે.જેની જાણ પી વિલ્સનને પણ કરી છે.

જે મુજબ કેન્દ્ર સરકાર હાઈકોર્ટના મુખ્ય ન્યાયાધીશોને અનુસૂચિત જાતિ/અનુસૂચિત જનજાતિ, અન્ય પછાત વર્ગો, લઘુમતીઓ અને મહિલાઓના ઉમેદવારોને હાઈકોર્ટના ન્યાયાધીશોની નિમણૂક માટે દરખાસ્ત મોકલતી વખતે યોગ્ય વિચારણા કરવા વિનંતી કરી રહી છે.

હાઈકોર્ટ અને સુપ્રીમ કોર્ટમાં વધુ સામાજિક વિવિધતા સુનિશ્ચિત કરવા માટે વિલ્સનના પત્રનો જવાબ આપતાં કેન્દ્રીય કાયદા પ્રધાન કિરેન રિજિજુએ સંસદ સભ્ય પી વિલ્સનને લખેલા પત્રમાં આ જ જણાવ્યું હતું.

રિજિજુએ તેમના જવાબમાં કહ્યું હતું કે ભારતનું બંધારણ જે સુપ્રીમ કોર્ટ અને હાઈકોર્ટમાં ન્યાયાધીશોની નિમણૂકની જોગવાઈ કરે છે તે કોઈપણ જાતિ અથવા વ્યક્તિના વર્ગ માટે અનામતની જોગવાઈ કરતું નથી.

જો કે, કેન્દ્ર મુખ્ય ન્યાયાધીશોને વિનંતી કરી રહ્યું છે કે સામાજિક વિવિધતાને સુનિશ્ચિત કરવા માટે આવી વિચારણાઓને યોગ્ય મહત્વ આપવામાં આવે.તેવું બી.એન્ડ બી.દ્વારા જાણવા મળે છે.