Gujarati News

Gujarati News

News of Wednesday, 14th April 2021

પટણામાં કોરોના ભગાડવા ચૂંટણી યોજવાના પોસ્ટરો

કોરોનાથી દેશ બેહાલ, ચૂંટણી સામે મહામારી લાચાર : બેરોજગારી ભગાડવા માટે બિહારમાં ચૂંટણી કરાવવાની જરુર હોવાનો દાવો કરતા પોસ્ટર જાહેર સ્થળે લગાડાયું

પટણા, તા. ૧૪ : કોરોનાના કારણે આખો દેશ બેહાલ છે અને રોજ હજારો લોકો જીવ ગુમાવી રહ્યા છે. જોકે સરકાર અને રાજકીય પક્ષો ચૂંટણીના આયોજન અને પ્રચારમાં વ્યસ્ત છે.

જ્યાં ચૂંટણી યોજાઈ રહી છે તે રાજ્યોમાં તો જાણે કોરોના છે જ નહીં તેવા દ્રશ્યો દેખાય છે. એટલે એવી રમૂજ પણ ચાલી રહી છે કે, કોરોના ભગાડવો હોય તો ચૂંટણી યોજવી જોઈએ.

બિહારના પટણામાં આવી જ મજાક કરતુ એક પોસ્ટર ચર્ચામાં આવ્યુ છે. જાહેર સ્થળોએ લગાડાયેલા પોસ્ટરમાં કહેવામાં આવ્યુ છે કે, કોરના ભગાડવા માટે બિહારમાં પણ ચૂંટણી યોજાવી જોઈએ. કારણકે મુખ્યમંત્રીથી તો કોરોનાની સ્થિતિ કાબૂમાં આવી રહી નથી. રાજ્યની સ્વાસ્થ્ય વ્યવસ્થા પોતે જ આઈસીયુમાં છે. એટલે કોરોનાની સાથે સાથે બેરોજગારી ભગાડવા માટે બિહારમાં તરત ચૂંટણી કરાવવાની જરુર છે.

બિહારમાં પણ હવે કોરોના રૌદ્ર સ્વરુપ ધારણ કરી રહ્યો છે. છેલ્લા સાત દિવસમાં કોરોનાના કેસમાં ૩૩૦ ટકાનો વધારો દેખાયો છે અને તેના કારણે લોકોની પરેશાની વધી ગઈ છે. ચારે તરફ ભય અને ગભરાહટનો માહોલ છે. છેલ્લા ૨૪ કલાકમાં કોરોનાના ૪૦૦૦ ઉપરાંત દર્દી સામે આવી ચુક્યા છે.

(7:58 pm IST)
  • કુંભ મેળો ચાલુ રાખવો કે બંધ? મીટીંગનો ધમધમાટ : હરિદ્વારમાં ચાલી રહેલ કુંભમેળામાં સંખ્યાબંધ ભાવિકોને કોરોના વળગતા કેન્દ્ર સરકાર અને ઉત્તરાખંડ સરકાર વચ્ચે કુંભ મેળો ચાલુ રાખવો કે બંધ કરવો તે અંગે ઘનિષ્ઠ ચર્ચા - વિચારણા આ લખાય છે ત્યારે ચાલી રહી છે : મોડી સાંજ સુધીમાં કુંભ મેળા અંગેનો અંતિમ નિર્ણય લેવાઈ જશે તેમ જાણવા મળે છે access_time 5:07 pm IST

  • રાજકોટ ટ્રાન્સપોર્ટ એસોસીએશન દ્વારા ૩ દિવસ માટે સંપૂર્ણ લોકડાઉન કરવાનો નિર્ણય લેવાયો હોવાનું જાણવા મળે છે. તા. ૧૬ એપ્રિલથી ૧૮ એપ્રિલ ૨૦૨૧ સુધી રાજકોટમાં ૭૦૦ જેટલા ટ્રાન્સપોર્ટના ધંધાર્થીઓ તેનું બુકીંગ તથા ડિલીવરી બંધ રાખશે તેવુ રાજકોટ ટ્રાન્સપોર્ટ એસોસીએશનના પ્રમુખ હસુભાઈ ભગદેએ અકિલાને જણાવ્યુ હતું. વાહન વ્યવહાર ચાલુ રાખવામાં આવશે કે જેથી લોકોને જીવન - જરૂરીયાત વસ્તુઓની તંગી મહેસુસ ન થાય. ટ્રાન્સપોર્ટમાં આવેલ લોકોની જીવન જરૂરીયાતની વસ્તુઓની ડિલીવરી પણ સમયસર કરી આપવામાં આવશે તેવું પણ જણાવાયુ છે. access_time 12:35 pm IST

  • લોકસભાના સાંસદ અને કોંગ્રેસ નેતા રાહુલ ગાંધીની આજે પશ્ચિમ બંગાળમાં સહુ પ્રથમ ચૂંટણી રેલી : ઉત્તર દિનાજપુરના ગોલાપોખર અને દાર્જિલિંગના બગડોગરા ખાતે જાહેર સભાને સંબોધન કરશે access_time 1:30 pm IST