Gujarati News

નવી દિલ્હી : સંરક્ષણ સંશોધન અને વિકાસ સંગઠનના અધ્યક્ષ ડો.સતિષ રેડ્ડીએ જણાવ્યું હતું કે છેલ્લા 40 દિવસમાં 10 મિસાઇલોનું સફળતાપૂર્વક પરીક્ષણ કરવામાં આવ્યું છે. ત્રણેય લશ્કરી દળો માટે જે પણ પ્રકારની મિસાઇલની જરૂર પડશે તેવી બનાવવા સક્ષમ છે. 30 સપ્ટેમ્બર 2020ના રોજ બ્રહ્મોસ મિસાઇલની મારકશક્તિ 300 થી વધારીને 450 કિ.મી. કરી છે. બ્રહ્મોસ સુપરસોનિક ક્રુઝ મિસાઇલનું ગ્રાઉન્ડ વર્ઝન સફળતાપૂર્વક પરીક્ષણ કરવામાં આવ્યું હતું. ક્રુઝ મિસાઇલને જમીન, પાણી અને હવાથી છોડી શકાય છે. ઓક્ટોબર 3ના રોજ 800 કિ.મી. સુધીની મારણ ક્ષમતા સુધી પરીક્ષણ કરવામાં આવ્યું હતું.

   ગત 9 ઓક્ટોબરે એન્ટી રેડિએશન મિસાઇલ રુદ્રમના સફળ પરીક્ષણ સાથે ભારતે સ્વદેશી સંરક્ષણ ઉત્પાદન ક્ષેત્રે એક નવી સિદ્ધિ મેળવી. સુખોઇ -30 એમકેઆઈ ફાઇટર એરક્રાફ્ટથી લાંબા અંતરની હવાઈ મિસાઈલ તૈયાર કરી દીધી છે

   એન્ટિ-રેડિએશન મિસાઇલો રડાર, કોમ્યુનિકેશંસ સાઇટ્સ અને અન્ય રેડિયો ફ્રીક્વન્સી ઉત્સર્જનના લક્ષ્‍યોને ભેદીને દુશ્મનની હવા સંરક્ષણ પ્રણાલીને તોડી પાડે એવી છે. પૃથ્વી -2 મિસાઇલનું પ્રાયોગિક પરીક્ષણ હતું. સપાટીથી સપાટી પરની મિસાઇલ પરમાણુ શસ્ત્રો વહન કરવામાં સક્ષમ છે. ટોરપિડોની સુપરસોનિક મિસાઇલનું સફળતાપૂર્વક પરીક્ષણ કરવામાં આવ્યું હતું.