Gujarati News

Gujarati News

News of Friday, 15th January 2021

વ્યક્તિગત લોનના નામે લોકોને ખંખેરતી એપ સામે ગૂગલની મોટી કાર્યવાહી :કેટલીયે એપ પ્લે સ્ટોર પરથી હટાવી દીધી

ભારતમાં મોટી સંખ્યામાં વ્યક્તિગત લોન એપ્લિકેશનની સમીક્ષા કરી

 

નવી દિલ્હી : ટેક્નોલોજી ક્ષેત્રની દિગ્ગજ કંપની ગૂગલે ભારતમાં મોટી સંખ્યામાં વ્યક્તિગત લોન એપ્લિકેશનની સમીક્ષા કરી છે અને તેમાંથી કેટલીકને પ્લે સ્ટોર પરથી દૂર કરી દીધી છે. વપરાશકર્તાઓ અને સરકારી એજન્સીઓએ કંપનીને એપને લઇ ચિંતા વ્યક્ત કરી હતી. ગૂગલે ગુરુવારે જણાવ્યું હતું કે, જે એપ્લિકેશ વપરાશકર્તા સુરક્ષા નીતિઓનું ઉલ્લંઘન કરી રહી છે તેને તરત પ્લે સ્ટોર પરથી દૂર કરવામાં આવી છે

 ગૂગલે બાકી એપ્લિકેશન ડેવલોપર્સને જણાવ્યું છે કે તેઓ દર્શાવે કે કંઇ રીતે સ્થાનિક કાયદા અને નિયમોનું પાલન થઇ રહ્યું છે. જો તેઓ આમ કરવામાં નિષ્ફળ જાય છે, તો તેમની એપ્લિકેશન પણ પ્લે સ્ટોર પરથી દૂર કરવામાં આવશે. ગૂગલે બ્લોગપોસ્ટમાં જણાવ્યું કે,ગૂગલના ઉત્પાદનો પર સલામત અનુભવ પ્રદાન કરવું અમારી પ્રાથમિકતા છે. અમારી વૈશ્વિક ઉત્પાદન નીતિઓ લક્ષ્યને ધ્યાનમાં રાખી ડિઝાઇન અને અમલ કરવામાં આવી છે. અમે વપરાશકર્તાની સલામતીમાં સુધાર માટે સતત કામ કરી રહ્યા છે.

જોકે ગૂગલે નથી જણાવ્યું કે, તેણે કઇ એપ્લિકેશનને દૂર કરી છે. બ્લોગપોસ્ટમાં કહેવામાં આવ્યુ છે કે અમે ભારતમાં મોટી સંખ્યામાં વ્યક્તિગત લોન એપ્લિકેશનની સમીક્ષા કરી છે. તેને લઇને વપરાશકર્તાઓ અને સરકારી એજન્સીઓએ ચિંતા વ્યક્ત કરી હતી. વપરાશકર્તા સલામત નીતિનું ઉલ્લંઘન કરી રહેલી એપ્લિકેશનને પ્લે સ્ટોર પરથી તાત્કાલિક દૂર કરી દેવામાં આવી છે.

(10:23 pm IST)
  • એ.કે.શર્મા ઉત્તરપ્રદેશમાં ભાજપના ઉમેદવાર બન્યા : ધારાસભ્ય બની પ્રધાન બનશે? : તાજેતરમાં સીનીયર આઈએએસ ઓફીસર અને ગુજરાત કેડરના શ્રી એ.કે. શર્માએ વીઆરએસ લઈ નિવૃતિ જાહેર કરી હતી. તેઓ ભાજપમાં જોડાઈ ગયા છે અને ઉત્તર પ્રદેશમાં યોજાઈ રહેલ ઉપલા ગૃહની ચૂંટણીમાં એમએલસી (ધારાસભ્ય) પદ માટે તેમના નામની જાહેરાત થઈ છે. તેઓ યોગી સરકારમાં મહત્વના પદ ઉપર પ્રધાન બની રહ્યાનું નિશ્ચિત મનાય છે. access_time 3:21 pm IST

  • સુપ્રીમ કોર્ટ બાર એશોશિએશનના અધ્યક્ષ પદેથી દુષ્યંત દવેનું રાજીનામુ : હોદાની મુદત પુરી થઇ ગયા પછી ચીટકી રહેવાનો કોઈ અર્થ નથી : ડિજિટલ ઈલેક્શન માટે અમુક વકીલો સંમત નથી access_time 7:36 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 13,746 કેસ નોંધાયા :કુલ કેસની સંખ્યા 1, 05, ,26,577 થઇ :એક્ટિવ કેસ 2,10,482 થયા: વધુ 13,751 દર્દીઓ સ્વસ્થ થતા કુલ 1,01,59,805 થયા :વધુ 159 લોકોના મોત સાથે કુલ મૃત્યુઆંક 1,51, 924 થયા access_time 12:17 am IST