Gujarati News

Gujarati News

News of Friday, 15th January 2021

નરેન્દ્રભાઈ શનિવારે 10.30 કલાકે કોરોના રસીકરણ અભિયાનની શરૂઆત કરાવશે

પહેલા દિવસે અંદાજે 3 લાખ સ્વાસ્થ્યકર્મીઓને રસી અપાશે

નવી દિલ્હી :: ભારતમાં કોરોના વાઇરસની ગતિ હવે ધીમે-ધીમે ઓછી થઇ રહી છે. સંક્રમણને હરાવવા માટે અંતિમ લડાઈ તરીકે રસીકરણ પ્રક્રિયા 16 જાન્યુઆરી એટલે શનિવારથી શરૂ થવા જઇ રહી છે. શનિવારે વડાપ્રધાન નરેન્દ્રભાઈ  મોદી સવારે 10.30 કલાકે રસીકરણના મહાઅભિયાનની શરૂઆત કરશે. નીતિ આયોગના સભ્ય વીકે પોલે તેની જાણકારી આપી છે

વડાપ્રધાન કાર્યલયે જણાવ્યું કે વડાપ્રધાન દ્વારા 16 જાન્યુઆરીએ કોવિડ-19 રસીકરણ અભિયાન દરમિયાન તમામ રાજ્યો અને કેન્દ્ર શાસિત પ્રદેશોમાં 3000થી વધુ સ્થળોને ડિજીટલ માધ્યમથી કનેક્ટ કરવામાં આવશે. રાજ્યો તથા કેન્દ્ર શાસિત રાજ્યોમાં કોવિડ-19ની રસી મોકલવામાં આવી છે. અને રાજ્યો અને કેન્દ્ર શાસિત રાજ્યોએ જીલ્લાઓમાં રસી મોકલી દીધી છે. કોવિડ-19 મહામારી, રસીકરણ અને તેના ડિજીટલ પ્લેટફોર્મ સંબંધિત પ્રશ્નોના સમાધાન માટે 24 કલાક અને સાત દિવસ સંચાલિત 1075 કોલ સેન્ટર અને હેલ્પલાઇનની સ્થાપના કરવામાં આવી છે. લોક ભાગેદારીના સિદ્ધાંત પર કોવિડ-19 રસીકરણના અભિયાનને શરૂ કરવા માટે તમામ તૈયારીઓ પૂર્ણ કરી લેવામાં આવી છે. Covid 19 Vaccination Program

કોરોના સામે રક્ષણ માટે રસીકરણ પ્રક્રિયા શનિવારે 3000 કેન્દ્રો પર શરૂ કરવામાં આવશે. દરેક કેન્દ્ર પર દૈનિક એક સત્રમાં લોકોને રસી આપવામાં આવશે. વીકે પોલે જણાવ્યું કે, જેવી રીતે આ કાર્યક્રમ આગળ વધશે, 5000 થી વધુ કેન્દ્રો પર રસીકરણ કરવામાં આવશે

(12:24 am IST)
  • ૪ મહાનગરોમાં રાત્રી કર્ફયુ યથાવત રહેશે : અમદાવાદ, સુરત, વડોદરા અને રાજકોટમાં રાત્રી કર્ફયુ યથાવત : જામનગરમાં વિકાસકાર્યોના ખાતમુહૂર્ત સમયે વિજયભાઈની જાહેરાત access_time 12:13 pm IST

  • લેન્ડ ગ્રેબીંગ અંગે આજે સાંજે પ વાગ્યે કલેકટરના અધ્યક્ષપદે બીજી બેઠક મળશેઃ કેસો મંગાવાયા : રાજય સરકારે જમીન માફીયાઓ સામે દાખલ કરેલા લેન્ડ ગ્રેબીંગ કાયદા અંગેની આજે બીજી મહત્વની બેઠક કલેકટરના અધ્યક્ષપદે સાંજે પ વાગ્યે કલેકટર કચેરીમાં મળશે. જેમાં સીપી-ડીસીપી-એસપી-પ્રાંત-મ્યુ. કમિશ્નર-ડીડીઓ-રૂડા તથા અન્ય કુલ ૧૮ અધિકારીઓ હાજર રહેશેઃ સંખ્યાબંધ કેસો હોવાની શકયતાઃ સીટી પ્રાંત-ર દ્વારા પણ ૧ કેસ. આજે કેસોની સમીક્ષા બાદ કેસો દાખલ કરવા અંગે નિર્ણય. access_time 4:26 pm IST

  • બર્ડ ફ્લુમાં કચ્છને મળી રાહત : જિલ્લામાંથી કુલ ૩ સેમ્પલ ભોપાલ લેબોરેટરીમાં મોકલાયા હતા તમામ રિપોર્ટ આવ્યા નેગેટિવ જિલ્લા પશુપાલન વિભાગ દ્વારા અપાઈ માહિતી access_time 4:39 pm IST