Gujarati News

Gujarati News

News of Friday, 15th January 2021

૧૫ જાન્યુઆરી

આજના દિવસનું મહત્વ

દોસ્તો, તાકાત- શિસ્ત અને સંયમના સંગમ સમાન ભારતીય સૈન્યને સલામ કરવાનો આજે દિવસ છે. આજે આર્મી- ડે છે. જવાનોને સલામ અને શુભેચ્છા.

આજે ભારત માટે ટર્નિંગ પોઈન્ટ સમાન દિવસ છે. ૧૯૪૨ની સાલમાં આજના દિને મહાત્મા ગાંધીજીએ જવાહરલાલ નેહરૂને પોતાના રાજકીય વારસદાર ઘોષિત કર્યા હતા. વર્ધામાં યોજાયેલી કોંગ્રેસ કમિટીની બેેઠકમાં આ ઘોષણા થઈ હતી.

નરેન્દ્રભાઈ મોદી સરકારે નોટબંધી કરી હતીએ વાસ્તવમાં નોટબંધી નહિ, ચલણ પરિવર્તન હતું. ૧૯૭૮ની સાલમાં આજના દિને અસલી નોટબંધી થઈ હતી. ભારતના રાષ્ટ્રપતિના આદેશથી રૂ.૧ હજાર, પાંચ હજાર અને ૧૦ હજારની ચલણી નોટ રદ્દ કરાઈ હતી. આ ચલણી નોટ્સ પસ્તી બની ગઈ હતી. લોકો રૂ.૧૦ હજારની નોટનું ભૂંગળુંવાળીને બીડી બનાવી મજાક ઉડાવતા હતા.

૧૯૩૪ની સાલમાં આજના દિને બિહારમાં વિનાશકારી ભૂકંપ થયો હતો, જેમાં ૨૦ હજાર લોકોના મોત થયા હતા.

આજે ફિલ્મ અભિનેત્રી ભાનુપ્રિયાનો જન્મ દિવસ છે. અભિનેત્રી નીલ નીતિન મુકેશનો પણ આજે જન્મ દિવસ છે.

આજે પૂર્વ વડાપ્રધાન ગુલઝારીલાલ નંદાની પુણ્યતિથિ છે. ૧૯૯૮ની સાલમાં તેઓનું નિધન થયું હતું. નંદાજી બે વખત ભારતના કાર્યકારી વડાપ્રધાન રહી ચુકયા હતા.

બહુજન સમાજ પાર્ટીના માયાવતીનો આજે જન્મ દિવસ છે. તેઓનો જન્મ ૧૯૫૬માં થયો હતો. માયાવતીએ એક સમયે રાષ્ટ્રીયસ્તરે પ્રભાવી ભૂમિકા ભજવી હતી. છેલ્લા વર્ષોમાં બસપાનો પ્રભાવ ઘટ્યો છે. યુપીમાં પણ પ્રભાવી ભૂમિકા રહી નથી.

૧૯૪૮ની સાલમાં આજના દિને ગૌરવવંતી ઘટના ઘટી હતી. ભાવનગરના મહારાજા કૃષ્ણકુમાર સિંહજીએ સરદાર પટેલની હાજરીમાં ભાવનગર રાજય દેશને અર્પણ કર્યું હતું. પોતાનું રાજય રાષ્ટ્રને અર્પણ કરનાર પ્રથમ રાજવી કૃષ્ણકુમારસિંહજી બન્યા હતા. તેઓની રાષ્ટ્રભકિતને વંદન.

(3:30 pm IST)
  • લેન્ડ ગ્રેબીંગ અંગે આજે સાંજે પ વાગ્યે કલેકટરના અધ્યક્ષપદે બીજી બેઠક મળશેઃ કેસો મંગાવાયા : રાજય સરકારે જમીન માફીયાઓ સામે દાખલ કરેલા લેન્ડ ગ્રેબીંગ કાયદા અંગેની આજે બીજી મહત્વની બેઠક કલેકટરના અધ્યક્ષપદે સાંજે પ વાગ્યે કલેકટર કચેરીમાં મળશે. જેમાં સીપી-ડીસીપી-એસપી-પ્રાંત-મ્યુ. કમિશ્નર-ડીડીઓ-રૂડા તથા અન્ય કુલ ૧૮ અધિકારીઓ હાજર રહેશેઃ સંખ્યાબંધ કેસો હોવાની શકયતાઃ સીટી પ્રાંત-ર દ્વારા પણ ૧ કેસ. આજે કેસોની સમીક્ષા બાદ કેસો દાખલ કરવા અંગે નિર્ણય. access_time 4:26 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 13,746 કેસ નોંધાયા :કુલ કેસની સંખ્યા 1, 05, ,26,577 થઇ :એક્ટિવ કેસ 2,10,482 થયા: વધુ 13,751 દર્દીઓ સ્વસ્થ થતા કુલ 1,01,59,805 થયા :વધુ 159 લોકોના મોત સાથે કુલ મૃત્યુઆંક 1,51, 924 થયા access_time 12:17 am IST

  • 23 જાન્યુઆરીએ વડાપ્રધાન શ્રી નરેન્દ્ર મોદી પશ્ચિમ બંગાળની મુલાકાત લેશે : નેતાજી સુભાષચંદ્ર બોઝની 125 જન્મ જયંતી નિમિત્તે આયોજિત કાર્યક્રમમાં ભાગ લેશે access_time 7:14 pm IST