Gujarati News

Gujarati News

News of Friday, 15th January 2021

ડિજિટલ લોનના નામે ઠગાઈ કરતી એપ પ્લે સ્ટોરથી હટાવી

છેતરપિંડી કરતી એપ્સ સામે ગુગલનું કડક વલણ : ગ્રાહક-સરકારી એજન્સીઓએ અનેક એપ્લિકેશનો સામે ફરિયાદ કરી હોવાનું કહ્યું : ગુગલે કંપનીનું નામ ન આપ્યું

નવી દિલ્હી, તા. ૧૫ : ગ્રાહકો સાથે છેતરપિંડી કરી લોન આપવાની લાલચ આપી પૈસા પડાવી લેવાની ઘટનાઓએ જોર પકડ્યુ હતુ સતત નવા નવા કિસ્સાઓ સામે આવી રહ્યા. ડીજીટલ પ્લેટફોર્મ પર સરળતાથી ઠગાઇ કરીને ખીસ્સુ ખાલી કરતા લોકોની ભરમાળ છે. આ તમામ સામે હવે ગૂગલ આકરા પાણીએ છે.

ગૂગલે ઘણી પર્સનલ લોન એપ્લિકેશન્સને દૂર કરી છે જે તેના પ્લે સ્ટોર પરથી હટાવી દેવામાં આવી છે. કંપનીએ જણાવ્યું હતું કે ગ્રાહકો ડિજિટલ લોનના નામે થતી છેતરપિંડી અટકાવવા આ પગલું લેવામાં આવ્યું છે. ગૂગલ પ્લે સ્ટોર પરથી કાઢી નાખેલી એપ્લિકેશનનું નામ જણાવ્યુ નહી પરંતુ કંપનીનું કહેવું છે, ગ્રાહક અને સરકારી એજન્સીઓએ અનેક એપ્લિકેશનો સામે ફરિયાદ કરી હતી.

લોકોને સરળ લોનના નામે ઠગાઇ કરવામાં આવી હતી. હવે ૬૦ દિવસ કરતાં વધુ ચુકવણીના સમયની મંજૂરી આપતી એપ્લિકેશન્સને જ મંજૂરી આપવામાં આવશે. સમીક્ષા કર્યા પછી, જેમને સુરક્ષાના નિયમોનું પાલન ન કરાયું હોવાનું જાણવા મળ્યું છે તેમને પ્લે સ્ટોર પરથી દૂર કરવામાં આવ્યા છે. ગૂગલ ફક્ત તે જ એપ્લિકેશનોને મંજૂરી આપશે જેમાં લોન ચુકવણી માટે ૬૦ દિવસથી વધુનો સમય આપવામાં આવશે.

ગૂગલે અન્ય એપ્લિકેશન ડેવલપર્સને સ્થાનિક કાયદાઓ અને નિયમોનું પાલન સુનિશ્ચિત કરવા પણ ચેતવણી આપી છે, અન્યથા તેઓને પ્લે સ્ટોર પરથી દૂર કરવામાં આવશે.

આરબીઆઈએ ગ્રાહકોને મોબાઇલ એપ્સ પર સસ્તી લોન માટે ચેતવણી આપી હતી. આ માટે સેન્ટ્રલ બેંકે ૬ સભ્યોની કમિટી પણ બનાવી છે. એપ્લિકેશન ડેવલપર્સને પણ ચેતવણી આપવામાં આવી છે

(7:28 pm IST)
  • અમેરીકામાં કોરોનાના કહેરના પગલે ૧૦ ફેબ્રુઆરી સુધી શાળાઓ બંધ : અમેરિકાના ઓન્ટેરીયો પ્રાંતમાં કોરોનાના કહેરને કારણે ૨૮ દિવસની કટોકટી લદાઈઃ પ્રાંતના તમામ લોકોને ઘરે રહેવા આદેશો : ટોરોન્ટો, ન્યુ યોર્ક હેમિલ્ટન, વિન્ડસર-આઇસેકસ જેવા પ્રાંતોમાં શાળાઓ ૧૦ ફેબ્રુઆરી સુધી બંધ રહેશે. access_time 1:26 pm IST

  • કેરળમાં ચૂંટણી પહેલાનું ડાબેરી સરકારનું છેલ્લું ફુલગુલાબી બજેટ : પેનશનમાં વધારો : ખેડૂતો પાસેથી ખરીદવામાં આવતી ખેત પેદાશોના લઘુતમ મૂલ્યમાં વધારો : આરોગ્ય ક્ષેત્રે નવી ચાર હજાર નોકરીઓનું નિર્માણ : 50 લાખ યુવાનોને હુન્નર માટે કૌશલ્ય આપવાનું આયોજન : ગરીબ પરિવારોને ઓછી કિંમતે લેપટોપ અપાશે : થોડા મહિના પછી ધારાસભાની ચૂંટણી access_time 6:48 pm IST

  • સુપ્રીમ કોર્ટ બાર એશોશિએશનના અધ્યક્ષ પદેથી દુષ્યંત દવેનું રાજીનામુ : હોદાની મુદત પુરી થઇ ગયા પછી ચીટકી રહેવાનો કોઈ અર્થ નથી : ડિજિટલ ઈલેક્શન માટે અમુક વકીલો સંમત નથી access_time 7:36 pm IST