Gujarati News

Gujarati News

News of Friday, 15th January 2021

ખેડૂતો ઘમંડી સરકાર સામે હક માટે સત્યાગ્રહ કરે છે : રાહુલ ગાંધી

ખેડૂતો-ઈંધણના ભાવના મુદ્દે બહાર આવવા અપીલ : કોંગી નેતા રાહુલ ગાંધીએ ટ્વિટર પર કોંગ્રેસના કેમ્પેઈન સ્પીકઅપ ફોર કિસાન અધિકારમાં જોડાવા અપીલ કરી

નવી દિલ્હી, તા. ૧૫ : મોદી સરકાર સામે ખેડૂતોના સત્યાગ્રહમાં સહયોગ આપવા માટે અપીલ કરતા કોંગ્રેસના નેતા રાહુલ ગાંધીએ શુક્રવારે જણાવ્યું કે, ખેડૂતોના ચાલી રહેલા વિરોધ પ્રદર્શન તેમજ ઈંધણના વધી રહેલા ભાવના મુદ્દે લોકોએ ખુલીને બહાર આવવાની જરૂર છે. કોંગ્રેસ દ્વારા આ દિવસને કિસાન અધિકાર દિવસ તરીકે મનાવી રહ્યો છે અને તે તમામ રાજ્યોના પાટનગરમાં વિરોધ પ્રદર્શન સાથે કૂચ યોજશે.

રાહુલ ગાંધીએ ટ્વિટર પર કોંગ્રેસ પાર્ટીના કેમ્પેઈન સ્પીકઅપફોરકિસાનઅધિકારમાં જોડાવા અપીલ કરતા કહ્યું કે, દેશના ખેડૂતો ઘમંડી મોદી સરકાર સામે પોતાના હક માટે સત્યાગ્રહ કરી રહ્યા છે. સમગ્ર દેશ કિસાનો પર થઈ રહેલા અત્યાચારો અને પેટ્રોલ-ડિઝલના ભાવવધારા સામે અવાજ ઉઠાવી રહ્યો છે. તમે પણ આ ચળવળમાં જોડાઈ શકો છો અને સત્યાગ્રહનો ભાગ બની શકોછો.

ત્રણ કૃષિ કાયદાને રદ કરવાની માગણી સાથે વિરોધ પ્રદર્શન કરી રહેલા ખેડૂત આંદોલનને કોંગ્રેસે સમર્થન આપ્યું છે. દિલ્હીમાં કેન્દ્ર સરકાર અને ખેડૂત સંગઠનો નવા તબક્કાની આજે બેઠક યોજવાના છે ત્યારે જ કોંગ્રેસે ખેડૂતોના સમર્થનમાં અને ભાવવધારાના મુદ્દે ચળવળ શરૂ કરતા રાજકીય ગરમાવો આવ્યો છે.

(7:35 pm IST)
  • કેરળમાં ચૂંટણી પહેલાનું ડાબેરી સરકારનું છેલ્લું ફુલગુલાબી બજેટ : પેનશનમાં વધારો : ખેડૂતો પાસેથી ખરીદવામાં આવતી ખેત પેદાશોના લઘુતમ મૂલ્યમાં વધારો : આરોગ્ય ક્ષેત્રે નવી ચાર હજાર નોકરીઓનું નિર્માણ : 50 લાખ યુવાનોને હુન્નર માટે કૌશલ્ય આપવાનું આયોજન : ગરીબ પરિવારોને ઓછી કિંમતે લેપટોપ અપાશે : થોડા મહિના પછી ધારાસભાની ચૂંટણી access_time 6:48 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 13,746 કેસ નોંધાયા :કુલ કેસની સંખ્યા 1, 05, ,26,577 થઇ :એક્ટિવ કેસ 2,10,482 થયા: વધુ 13,751 દર્દીઓ સ્વસ્થ થતા કુલ 1,01,59,805 થયા :વધુ 159 લોકોના મોત સાથે કુલ મૃત્યુઆંક 1,51, 924 થયા access_time 12:17 am IST

  • અમેરીકામાં કોરોનાના કહેરના પગલે ૧૦ ફેબ્રુઆરી સુધી શાળાઓ બંધ : અમેરિકાના ઓન્ટેરીયો પ્રાંતમાં કોરોનાના કહેરને કારણે ૨૮ દિવસની કટોકટી લદાઈઃ પ્રાંતના તમામ લોકોને ઘરે રહેવા આદેશો : ટોરોન્ટો, ન્યુ યોર્ક હેમિલ્ટન, વિન્ડસર-આઇસેકસ જેવા પ્રાંતોમાં શાળાઓ ૧૦ ફેબ્રુઆરી સુધી બંધ રહેશે. access_time 1:26 pm IST