Gujarati News

Gujarati News

News of Friday, 15th January 2021

દેવું ચઢી જતા મલેશિયાની સ્થાનિક કોર્ટે પાકિસ્તાનનું વિમાન જપ્ત કરાવી દીધું

તમામ યાત્રીઓ અને ક્રૂ સ્ટાફને વિમાનની નીચે ઉતારી કંપનીએ વિમાન પર કબજો કર્યો

ક્વાલાલમ્પુરઃ પાકિસ્તાન ઇન્ટરનેશનલ એરલાઇન્સ (PIA)ના બોઇંગ 777 વિમાનને મલેશિયાએ જપ્ત કરી લીધું. દેવું ચઢી જતા મલેશિયાની સ્થાનિક કોર્ટે પાક. વિમાન જપ્ત કરાવી દીધું. એટલું જ નહીં તમામ યાત્રીઓ અને ક્રૂ સ્ટાફને પણ વિમાનની નીચે ઉતારી કંપનીએ વિમાન પર પોતાનો કબજો જમાવી દીધો.

પાકિસ્તાને મલેશિયાની કંપની પાસેથી બોઇંગ 777 લીઝ પર લીધું હતું. પરંતુ સમયસર તેનું લેણુ ચુકવ્યું નહીં. તેથી સ્થાનિક કોર્ટે વિમાન જપ્ત કરવાનો આદેશ આપ્યો હતો.

પાકિસ્તાન ઇન્ટરનેશનલ એરલાઇન્સ અંગે થોડા સમય પહેલાં એક ચોંકાવનારો ખુલાસો થયો હતો. જેમાં જણાવાયું હતું કે પીઆઇએના 40 ટકા પાઇલટ નકલી લાયસન્સધારી છે. જેનાથઈ પાકિસ્તાની વિમાન બહુ જ જોખમી છે.

કરાચીમાં થયેલા વિમાન ક્રેશ બાદ સરવર ખાને કહ્યું હતું કે ગત વર્ષની તપાસમાં જાણવા મળ્યું હતું કે પાકિસ્તાનના 860 એક્ટિવ પાઇલટ્સમાંથી 262 પાસે કાં તો નકલી લાયસન્સ છે અથવા તેમણે એક્ઝામમાં ચિટીંગ કર્યું હતું.

સરવર થાને જણાવ્યું હતું કે આવા પાઇલટસે ક્યારેય એક્ઝામ આપી નથી કે તેમને વિમાન ઉડાડવાનો પુરતો અનુભવ નથી.દુર્ભાગ્યથી પાક.માં પાઇલટ્સની નીમણૂક રાજકીય આધારે થાય છે. તેમણે કહ્યું કે તપાસમાં 4 પાઇલટની ડિગ્રી નકલી જણાઇ અને તેમની વરણીના સમયે મેરિટની અવગણના કરાઇ હતી

(10:52 pm IST)
  • એ.કે.શર્મા ઉત્તરપ્રદેશમાં ભાજપના ઉમેદવાર બન્યા : ધારાસભ્ય બની પ્રધાન બનશે? : તાજેતરમાં સીનીયર આઈએએસ ઓફીસર અને ગુજરાત કેડરના શ્રી એ.કે. શર્માએ વીઆરએસ લઈ નિવૃતિ જાહેર કરી હતી. તેઓ ભાજપમાં જોડાઈ ગયા છે અને ઉત્તર પ્રદેશમાં યોજાઈ રહેલ ઉપલા ગૃહની ચૂંટણીમાં એમએલસી (ધારાસભ્ય) પદ માટે તેમના નામની જાહેરાત થઈ છે. તેઓ યોગી સરકારમાં મહત્વના પદ ઉપર પ્રધાન બની રહ્યાનું નિશ્ચિત મનાય છે. access_time 3:21 pm IST

  • લેન્ડ ગ્રેબીંગ અંગે આજે સાંજે પ વાગ્યે કલેકટરના અધ્યક્ષપદે બીજી બેઠક મળશેઃ કેસો મંગાવાયા : રાજય સરકારે જમીન માફીયાઓ સામે દાખલ કરેલા લેન્ડ ગ્રેબીંગ કાયદા અંગેની આજે બીજી મહત્વની બેઠક કલેકટરના અધ્યક્ષપદે સાંજે પ વાગ્યે કલેકટર કચેરીમાં મળશે. જેમાં સીપી-ડીસીપી-એસપી-પ્રાંત-મ્યુ. કમિશ્નર-ડીડીઓ-રૂડા તથા અન્ય કુલ ૧૮ અધિકારીઓ હાજર રહેશેઃ સંખ્યાબંધ કેસો હોવાની શકયતાઃ સીટી પ્રાંત-ર દ્વારા પણ ૧ કેસ. આજે કેસોની સમીક્ષા બાદ કેસો દાખલ કરવા અંગે નિર્ણય. access_time 4:26 pm IST

  • સ્પેનમાં કોરોનાની ત્રીજી લહેર : કોરોનાનો વિસ્ફોટ : છેલ્લા 24 કલાકમાં રેકોર્ડબ્રેક 40 હજારથી વધુ નવા કેસ : બે દિવસમાં 75 હજારથી વધુ કેસ નોંધાયા : access_time 1:09 am IST