Gujarati News

Gujarati News

News of Saturday, 15th May 2021

હવે વેસ્ટ બૅન્કમાં ઇઝરાયલી સૈન્ય અને પેલેસ્ટાઇનવાસીઓ વચ્ચેની હિંસક અથડામણ : 10 લોકોના મોત: અનેક ઘાયલ

ઇઝરાયલી દળોએ ટીયરગૅસ અને રબ્બર બુલેટ ફાયર કર્યા ; ગોળીબાર પણ કર્યો

ઇઝરાયલી સૈન્ય અને પેલેસ્ટાઇનિયન ચરમપંથીઓ વચ્ચે સતત પાંચમા દિવસે પણ સંઘર્ષ ચાલુ છે. આ દરમિયાન ગાઝા બાદ હવે વેસ્ટ બૅન્કમાં પણ ઇઝરાયલી સૈન્ય અને પેલેસ્ટાઇનવાસીઓ વચ્ચેની હિંસક અથડામણ થઈ છે.

વેસ્ટ બૅન્કની હિંસામાં ઓછામાં ઓછા 10 પેલેસ્ટાઇનવાસીઓનાં મૃત્યુ થયાં છે, જ્યારે કેટલાયને ઈજા પહોંચી છે.

ઇઝરાયલી દળોએ અહીં ટીયરગૅસ અને રબ્બર બુલેટ ફાયર કર્યા છે તથા ગોળીબાર પણ કર્યો છે. બીજી બાજુ, પેલેસ્ટાઇનવાસીઓ દ્વારા પેટ્રોલબૉમ્બ ફેંકવામાં આવ્યા છે.

વેસ્ટ બૅન્કમાં તાજેતરનાં વર્ષો દરમિયાન થયેલી આ સૌથી ભયાનક હિંસા છે. અત્યાર સુધી ગાઝામાં 126 લોકોનાં મૃત્યુ થયાં છે, જ્યારે ઇઝરાયલમાં અત્યાર સુધી 8 લોકો મૃત્યુ પામ્યા છે.

(10:00 pm IST)
  • રશિયન સરકારે “અંફ્રેન્ડલી સ્ટેટ્સ” ની સૂચિ બહાર પાડી છે જેમાં હવે અમેરિકા અને ચેક રિપબ્લિકનો સમાવેશ થાય છે. ચેક દૂતાવાસને 19 રશિયન નાગરિકો અને અમેરિકી દૂતાવાસોને એકપણ અધિકારી રાખવાની મંજૂરી આપવામાં આવશે નહીં તેમ રશિયન સરકારના સૂત્રોએ જણાવ્યું હતું. access_time 12:48 am IST

  • ખાનગી ઍરલાઈન કંપની ‘ગો ઍર’નું નામ બદલાઈ જશે. નવું નામ હશે ‘ગો ફર્સ્ટ’, કંપની ટૂંક સમયમાં આઇપીઓ લઈને આવી રહી છે. access_time 4:15 pm IST

  • અમેરિકા : ન્યુ યોર્ક શહેર, કોરોના રોગચાળોનો સામનો કરવા માટે 4 મિલિયનથી વધુ COVID-19 ટેસ્ટ કિટ્સ, 3.00.000 પલ્સ ઓક્સિમીટર, લગભગ 300 વેન્ટિલેટર અને અન્ય રાહત સામગ્રીના સાધનો ભારત મોકલશે તેમ ન્યૂ યોર્ક મેયર ના પ્રેસ સેક્રેટરીએ જણાવ્યું છે. access_time 12:38 am IST