Gujarati News

Gujarati News

News of Saturday, 16th January 2021

પ્રેમિકાની હત્યા કરી ફ્લેટની દીવાલમાં લાશ છૂપાવી દીધી

મહારાષ્ટ્રના પાલઘર જિલ્લાની ચોંકાવનારી ઘટના : રિલેશનશિપમાં રહેલી ૩૨ વર્ષની યુવતીએ લગ્ન માટે દબાણ કરતા ૩૦ વર્ષના પ્રેમીએ ગત વર્ષે હત્યા કરી હતી

પાલઘર, તા.૧૬ : મહારાષ્ટ્રના પાલઘર જિલ્લાની પોલીસે એક વ્યક્તિની ધરપકડ કરી છે જેણે કથિત રીતે પોતાની પ્રેમિકાની હત્યા કરીને લાશને પોતાના ફ્લેટની દિવાલમાં છુપાવી દીધી હતી.

પોલીસે કહ્યું કે, ૩૦ વર્ષનો આરોપી ૩૨ વર્ષની મૃતક યુવતી સાથે રિલેશનશીપમાં હતો. પોલીસે દાવો કર્યો છે કે આરોપીએ યુવતીની હત્યા કરી કારણ કે તે લગ્ન કરવા માટે પ્રેશર કરી રહી હતી.

પોલીસ અધિકારીઓએ જણાવ્યું કે, મૃતકનું હાડ પિંજર આરોપીના ફ્લેટમાંથી મળી આવ્યુ છે. પ્રથમ દ્રષ્ટિએ લાગી રહ્યું છે કે યુવતીને પાછલા વર્ષે ઓક્ટોબરમાં હત્યા કરવામાં આવી છે અને આરોપી તથા પીડિતા છેલ્લા પાંચ વર્ષોથી રિલેશનશીપમાં હતા. તેને છેલ્લીવાર ૨૧ ઓક્ટોબરે આરોપી સાથે જોવાઈ હતી.

જ્યારે પીડિતાના પરિવારના સદસ્યોએ પ્રેમીને યુવતી વિશે પૂછપરછ કરી તો આરોપીએ જવાબ આપ્યો કે તે ગુજરાતના વાપી ગઈ હતી. પરંતુ યુવતી ઘણા દિવસો સુધી પાછી ફરતા પરિવારે આખરે પોલીસને જાણ કરી હતી. હત્યા અને અન્ય આરોપો માટે આઈપીસીની કલમ હેઠળ આરોપી પ્રેમી વિરુદ્ધ હવે કેસ નોંધવામાં આવ્યો છે.

(7:34 pm IST)
  • દેશભરમાં આજે 1,65,714 લોકોને કોરોનાની રસી આપવામાં આવી હતી : રસીકરણ પછી હજી સુધી એકપણ વ્યક્તિને આડઅસર થઈ હોય કે હોસ્પિટલમાં દાખલ થયા હોય તેવું સામે નથી આવ્યું તેમ કેન્દ્રીય આરોગ્ય મંત્રાલયે જણાવ્યું છે. access_time 7:42 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 15,336 કેસ નોંધાયા :કુલ કેસની સંખ્યા 1,05, ,43,844 થઇ :એક્ટિવ કેસ 2,08,357 થયા: વધુ 16,355 દર્દીઓ સ્વસ્થ થતા કુલ 1,01,78,437 થયા :વધુ 771 લોકોના મોત સાથે કુલ મૃત્યુઆંક 1,52,665 થયા access_time 1:04 am IST

  • દિલ્હીની રામ મનોહર લોહિયા હોસ્પિટલના ડોક્ટરોનો કોવેક્સિન રસી લેવાનો ઇન્કાર : રેસિડન્ટ ડોક્ટરોએ મેડિકલ સુપ્રિટેડન્ટને પત્ર લખ્યો : ભારત બાયોટેકની કોવેક્સિનને બદલે કોવીશીલ્ડ આપવા માંગણી કરી : કોવેક્સિનની ટ્રાયલ અધૂરી હોવાનું મંતવ્ય access_time 1:52 pm IST