Gujarati News

ગુના, તા. ૧૬ : મધ્ય પ્રદેશના ગુના જિલ્લાનો એક વીડિયો સામે આવ્યો છે. વીડિયોમાં સસરા અને જેઠે ક્રૂરતાની બધી હદ વટાવી દીધી છે. સસરા અને જેઠે ૫ મહિનાની ગર્ભવતી પુત્રવધૂના ખભા પર છોકરાને બેસાડીને સરઘસ કાઢ્યું હતું. આ દરમિયાન મહિલા ૩ કિમી સુધી પથ્થરમાર્ગ પર ચાલતી રહી. રસ્તામાં જ્યાં પણ તે રોકાતી ત્યારે તેને લાકડીઓ અને બેટથી માર મારવામાં આવતો હતો. સરઘસમાં સાથે ચાલી રહેલા લોકો તેની પર પથ્થરમારો કરી રહ્યા હતા.

વીડિયો સામે આવ્યા બાદ ગુનાથી ભોપાલ સુધીની હડકંપ મચી ગયો. આ ઘટનાના ૪ વીડિયો વાયરલ થયા છે. એવું કહેવામાં આવી રહ્યું છે કે મહિલાનો પતિ તેને છોડીને જતો રહ્યો હતો. તેણે કહ્યું કે હવે હું તને રાખી શકીશ નહીં. તેના પતિના ગયાના થોડા દિવસ બાદ મહિલાના સસરા અને જેઠ બાંસખેડી ગામથી સંગાઈ ગામ પહોંચ્યા હતા. ત્યારબાદ તેણે ફરીથી સાસરિયામાં લઈ જવા માંગતા હતા. આ શરમજનક ઘટના ગુના જિલ્લાના સિરસી પોલીસ સ્ટેશન વિસ્તારના ગામ સંગાઈ અને બાંસખેડીની છે.

પીડિતાએ જણાવ્યું હતું કે હું પરિણીત છું. મારું પહેલું સુસરાલ ગામ બાંસખેડી છે, હું ગ્રામ દગડાફલા ગ્રામ પંચાયત રાય બામોરી વિધાનસભાની રહેવાસી છું. પતિ મને બીજા સાથે રહેવા માટે છોડી ગયો. હું પતિની ઈચ્છા પ્રમાણે સંગાઇ ગામના એક છોકરા સાથે રહેતી હતી. છેલ્લા ૧ મહિનાથી હું સંગાઈમાં જ રહું છું. અમે બંને અહીં પતિ-પત્નીની જેમ રહેતા હતા.

મહિલાએ કહ્યું કે ૯ ફેબ્રુઆરીએ અચાનક જ મારા પહેલા સાસરિયાના જેઠ અને સસરા કેટલાક લોકો સાથે સંગાઈ પહોંચ્યા. તે પછી મને માર મારતા બાંસખેડી લઈ જવા લાગ્યા. સંગાઈથી બાંસખેડીનું અંતર ૩ કિલોમીટરનું છે. આ લોકોએ એક છોકરાને મારા ખભા પર બેસાડ્યો અને તે પછી લોકો મને બળજબરીથી બાંસખેડી લઈ ગયા.

વાયરલ વીડિયોમાં તમે સ્પષ્ટ રીતે જોઈ શકો છો કે કેવી રીતે લોકો મહિલાઓ પર બધી રીતે અત્યાચાર ગુજારી રહ્યા છે. મહિલા રોકાઈ તો સાથે ચાલી રહેલા લોકોએ તેને માર માર્યો હતો. લોકો મહિલાને ડંડા અને બેટથી માર મારતા હતા. આ સાથે લોકો તેની મજાક પણ ઉડાવી રહ્યા હતા. એટલું જ નહીં, કેટલાક લોકો તેની ઉપર પથ્થરમારો કરી રહ્યા હતા. કહેવામાં આવી રહ્યું છે કે આરોપી અને ફરિયાદી ભીલ સમાજના છે.

આ ઘટના અંગે જ્યારે સિરસી પોલીસ સ્ટેશનના પ્રભારી રાકેશ શર્મા સાથે વાત કરવામાં આવી તો તેમણે કહ્યું કે આ કેસમાં ૪ લોકો પર હુમલો કરવા બદલ કેસ નોંધવામાં આવ્યો છે અને ચારેય લોકોની ધરપકડ કરવામાં આવી છે. જ્યારે તેમને પૂછવામાં આવ્યું કે આ કેસમાં અપહરણ વિભાગમાં કેસ કેમ નોંધવામાં આવ્યો નથી? ત્યારે તેઓએ જણાવ્યું કે તે તેના પૂર્વ પતિના ઘરેથી ગઈ છે અને પૂર્વ પતિના લોકો તેને તાત્કાલિક લઈ આવ્યા.