Gujarati News

રાજકોટ તા ૧૬ : મુખ્યમંત્રીશ્રી વિજયભાઈ રૂપાણીએ આણંદ જિલ્લાના તારાપુર ઇન્દ્રણજ ગામ નજીક સર્જાયેલા ગમખ્વાર માર્ગ અકસ્માત માં જાન ગુમાવનારા મૃતકો પ્રત્યે સંવેદના વ્યકત કરી છે.

મુખ્યમંત્રીશ્રી વિજય ભાઈ રૂપાણીએ આ માર્ગ અકસ્માતનો ભોગ બનેલા લોકોને ત્વરિત અને યોગ્ય મદદ પૂરી પાડવા આણંદ જિલ્લા કલેકટર સાથે તાત્કાલિક ટેલીફોનીક વાતચીત કરી સૂચનાઓ આપી છે. આ માર્ગ અકસ્માતનો ભોગ બની જાન ગુમાવનારા લોકોના પરિવારજનોને યોગ્ય સહાય રાજય સરકાર દ્વારા કરવામાં આવશે તેમ પણ મુખ્યમંત્રીશ્રી એ જણાવ્યું છે.