Gujarati News

ન્યુદિલ્હી : દેશની પ્રથમ મહિલા IPS ઓફિસર અને પુડુચેરીના પૂર્વ લેફ્ટનન્ટ ગવર્નર કિરણ બેદી આ દિવસોમાં પોતાના એક નિવેદનને કારણે વિવાદમાં છે. સોમવારે ચેન્નાઈમાં એક પુસ્તકના લોન્ચિંગ દરમિયાન કિરણ બેદીએ શીખો વિશે 12 વાગ્યે એવું કહી મજાક ઉડાવી હતી. જે બાદ તેની ટીકા થવા લાગી હતી. તેમની ટિપ્પણીની હવે શિરોમણી ગુરુદ્વારા પ્રબંધક સમિતિ દ્વારા નિંદા કરવામાં આવી છે. તેની સામે કોર્ટમાં જવાની પણ તૈયારી કરી રહી છે

જોકે બેદીએ પોતાના નિવેદન બદલ શીખોની માફી માંગી હતી.પરંતુ શીખ સમૂહે તેનો ઇન્કાર કર્યો હતો. શિરોમણી ગુરુદ્વારા પ્રબંધક સમિતિના વડા હરજિન્દર સિંહ ધામીએ બુધવારે જણાવ્યું હતું કે SGPC શીખો વિરુદ્ધ તેમની વાંધાજનક ટિપ્પણી માટે તેમની વિરુદ્ધ કાનૂની કાર્યવાહી કરશે.

વાસ્તવમાં, કિરણ બેદીને શીખ ઇતિહાસનો અભ્યાસ કરવાની સલાહ આપતા, શિરોમણી ગુરુદ્વારા પ્રબંધક સમિતિના વડા હરજિંદર સિંહ ધામીએ બુધવારે કહ્યું હતું કે SGPC શીખો વિરુદ્ધની તેમની વાંધાજનક ટિપ્પણી માટે તેમની વિરુદ્ધ કાનૂની પગલાં લેશે. તેમણે કહ્યું કે કિરણ બેદીએ શીખ ઈતિહાસ વાંચવો જોઈએ.

અબ્દાલીના શાસનમાં શીખોએ 12 વાગે આક્રમણકારોને કેવી રીતે રોક્યા હતા.
તેમની ટિપ્પણીનો વીડિયો ઝડપથી વાયરલ થઈ ગયો. પંજાબની સત્તારૂઢ આમ આદમી પાર્ટીએ પણ આ મુદ્દો ઉઠાવ્યો હતો અને કિરણ બેદી પર પ્રહારો કર્યા હતા. AAPએ કહ્યું કે કિરણ બેદીની ટિપ્પણી શીખોની મજાક ઉડાવવા જેવી છે અને તે શરમજનક બાબત છે.તેવું એચ.ટી.એચ.દ્વારા જાણવા મળે છે.