Gujarati News

Gujarati News

News of Thursday, 16th June 2022

નૂપુર શર્માને સમન્સ આપવા મુંબઈ પોલીસની એક ટીમ દિલ્હી પહોંચી

પહેલ ઈમેલ પર સમન્સ મોકલાયું હતું. હવે પોલીસની એક ટીમ ફિઝિકલ કોપી આપવા દિલ્હી પહોંચી : મુંબઈની પાયધુની પોલીસે તેણીને 25 જૂને સવારે 11 વાગ્યે તેનું નિવેદન આપવા માટે હાજર રહેવા જણાવ્યું

મુંબઈ પોલીસની એક ટીમ પયગંબર પર વિવાદાસ્પદ ટિપ્પણીના સંબંધમાં ભાજપના પૂર્વ પ્રવક્તા નૂપુર શર્માને સમન્સ આપવા દિલ્હી પહોંચી છે. મુંબઈની પાયધુની પોલીસ નૂપુર શર્માને સમન્સ આપવા પહોંચી છે.

સૂત્રોના જણાવ્યા અનુસાર, નુપુર શર્માને પહેલા તેના ઈમેલ પર સમન્સ મોકલવામાં આવ્યું હતું. હવે પોલીસની એક ટીમ ફિઝિકલ કોપી આપવા દિલ્હી આવી છે.

નોંધનીય છે કે નુપુર શર્માને મોકલવામાં આવેલા સમન્સમાં, મુંબઈની પાયધુની પોલીસે તેણીને 25 જૂને સવારે 11 વાગ્યે તેનું નિવેદન આપવા માટે હાજર રહેવા જણાવ્યું છે.

(11:02 pm IST)